ਕੈਨੇਡਾ ਸਰਕਾਰ ਵਲੋਂ ਫੈਡਰਲ ਪਬਲਿਕ ਸਰਵਿਸ ਵਿਚ ਕੀਤੀ ਜਾ ਸਕਦੀ ਹੈ ਛਾਂਟੀ

ਕੈਨੇਡਾ ਸਰਕਾਰ ਵਲੋਂ ਫੈਡਰਲ ਪਬਲਿਕ ਸਰਵਿਸ ਵਿਚ ਛਾਂਟੀ ਕੀਤੀ ਜਾ ਸਕਦੀ ਹੈ। ਇਹ ਉਦੋਂ ਹੈ ਜਦੋਂ ਸਰਕਾਰ ਇਨਵੈਸਟਮੈਂਟ ਵਧਾਉਣ ਲਈ ਸੇਵਿੰਗ 'ਤੇ ਫੋਕਸ ਕਰ ਰਹੀ ਹੈ। ਵਿੱਤ ਮੰਤਰੀ- ਫ੍ਰੈਂਕੋਇਸ ਫਿਲਿਪ ਸ਼ੈਂਪੇਨ ਨੇ ਅੱਜ ਪੱਤਰਕਾਰਾਂ ਨਾਲ ਗੱਲ ਕਰਦੇ ਪੁਸ਼ਟੀ ਕੀਤੀ ਕਿ ਪਬਲਿਕ ਸਰਵਿਸ ਵਿਚ "ਐਡਜਸਟਮੈਂਟ" ਆ ਰਹੀਆਂ ਹਨ।

ਹਾਲਾਂਕਿ, ਕੈਨੇਡੀਅਨਾਂ ਨੂੰ ਇਹ ਦੇਖਣ ਲਈ ਫਾਲ ਬਜਟ ਦਾ ਇੰਤਜ਼ਾਰ ਕਰਨਾ ਹੋਵੇਗਾ ਕਿ ਇਹ ਛਾਂਟੀ ਕਿੱਥੋਂ ਤੱਕ ਹੋਵੇਗੀ ਪਰ ਸ਼ੈਂਪੇਨ ਨੇ ਸੰਕੇਤ ਦਿੱਤਾ ਕਿ ਕੋਵਿਡ ਦੌਰਾਨ ਦੇ ਸਾਲਾਂ ਵਿਚ ਦੇਖੇ ਗਏ ਵਾਧੇ ਤੋਂ ਬਾਅਦ ਪਬਲਿਕ ਸਰਿਵਸ ਦੇ ਸਾਈਜ਼ ਵਿਚ ਐਡਜਸਟਮੈਂਟ ਹੋਣ ਵਾਲੇ ਹਨ।

ਉਨ੍ਹਾਂ ਕਿਹਾ ਕਿ ਕੈਨੇਡੀਅਨਾਂ ਨੂੰ ਵਧੇਰੇ ਪ੍ਰਭਾਵੀ ਢੰਗ ਨਾਲ ਸਰਵਿਸ ਡਿਲਿਵਰ ਕਰਨ ਲਈ ਸਰਕਾਰ ਪਬਲਿਕ ਸਰਵੈਂਟ ਨੂੰ ਆਧੁਨਿਕ ਸੰਦ ਦੇਣ 'ਤੇ ਵਿਚਾਰ ਕਰ ਰਹੀ ਹੈ। ਵਿੱਤ ਮੰਤਰੀ ਦਾ ਕਹਿਣਾ ਸੀ ਕਿ ਸਾਡੇ ਅੱਗੇ ਮੁਸ਼ਕਲ ਫੈਸਲੇ ਹਨ ਪਰ ਦੇਸ਼ ਇਸ ਲਈ ਤਿਆਰ ਹੈ ਅਤੇ ਕੈਨੇਡੀਅਨਾਂ ਨੇ ਸਾਨੂੰ ਕੁਝ ਹਟ ਕੇ ਕੰਮ ਕਰਨ ਨੂੰ ਚੁਣਿਆ ਹੈ।