28.17C Vancouver 28.17C VancouverDec 18, 2020 4:37 PM -
ਦੋ ਸਾਲ ਪਹਿਲਾਂ ਚੀਨ ਵੱਲੋਂ ਗਿਰਫ਼ਤਾਰ ਕੀਤੇ ਗਏ ਮਾਈਕਲ ਕੋਵਰਿਗ ਅਤੇ ਮਾਈਕਲ ਸਪਾਵੋਰ ਨੂੰ ਉਨ੍ਹਾਂ ਦੀ ਕੈਦ ਤੋਂ ਆਜ਼ਾਦ ਕਰਵਾਉਣ ਲਈ ਅੰਤਰਰਾਸ਼ਟਰੀ ਗੱਠਜੋੜ ਬਣਾਉਣ ਦੇ ਕੈਨੇਡਾ ਦੇ ਯਤਨਾਂ ਦੀ ਚੀਨ ਵੱਲੋਂ ਆਲੋਚਨਾ ਕੀਤੀ ਗਈ ਹੈ।
ਇਸ ਦੇ ਜਵਾਬ ਵਿਚ ਫੌਰਨ ਅਫੇਅਰਜ਼ ਮਨਿਸਟਰ ਫਰਾਂਸੁਆ-ਫਿਲੀਪ ਸ਼ੈਂਪੇਨ ਨੇ ਕਿਹਾ ਕਿ ਕੈਨੇਡਾ ਦੋਵਾਂ ਕਨੇਡੀਅਨਾਂ ਦੇ ਹਿੱਤਾਂ ਲਈ ਹਮੇਸ਼ਾ ਖੜ੍ਹਾ ਹੋਵੇਗਾ।
ਸ਼ੈਂਪੇਨ ਨੇ ਕਨੇਡੀਅਨ ਪ੍ਰੈੱਸ ਨੂੰ ਦੱਸਿਆ ਕਿ ਜਦੋਂ ਕਨੇਡੀਅਨ ਹਿੱਤਾਂ ਦੀ ਰਾਖੀ ਕਰਨ ਅਤੇ ਕੋਵਰਿਗ ਅਤੇ ਸਪਾਵੋਰ ਦੇ ਹੱਕ ਵਿੱਚ ਖੜ੍ਹੇ ਹੋਣ ਦੀ ਗੱਲ ਆਉਂਦੀ ਹੈ ਤਾਂ ਉਹ ਚੀਨ ਤੋਂ ਕੋਈ ਸਬਕ ਨਹੀਂ ਲੈਂਦਾ।
ਮਾਈਕਲ ਕੋਵਰਿਗ ਅਤੇ ਮਾਈਕਲ ਸਪਾਵੋਰ ਦਿਸੰਬਰ 2018 ਤੋਂ ਚੀਨ ਵਿੱਚ ਹਿਰਾਸਤ ਵਿੱਚ ਹਨ।
ਮੰਨਿਆ ਜਾਂਦਾ ਹੈ ਕਿ ਦੋਵਾਂ ਦੀ ਗਿਰਫ਼ਤਾਰੀ ਹਵਾਵੇ ਦੀ ਉੱਚ ਅਧਿਕਾਰੀ ਮੰਗ ਵੈਨਜੋ ਨੂੰ ਕੈਨੇਡਾ ਵਲੋਂ ਹਿਰਾਸਤ ਵਿੱਚ ਲੈਣ ਲਈ ਕੀਤੀ ਜਵਾਬੀ ਕਾਰਵਾਈ ਦਾ ਹਿੱਸਾ ਹੈ।
ਚੀਨ ਸ਼ੁਰੂ ਤੋਂ ਮੰਗ ਵੈਨਜੋ ਦੀ ਰਿਹਾਈ ਦੀ ਮੰਗ ਕਰਦਾ ਆਇਆ ਹੈ ਅਤੇ ਕੈਨੇਡਾ ਨੂੰ ਕੋਵਰਿਗ ਅਤੇ ਸਪਾਵੋਰ ਦੀ ਰਿਹਾਈ ਲਈ ਹੋਰਾਂ ਮੁਲਕਾਂ ਤੋਂ ਦਬਾਅ ਪਵਾਉਣ ਬਾਰੇ ਚਿਤਾਵਨੀ ਵੀ ਚੀਨ ਵੱਲੋਂ ਦਿੱਤੀ ਜਾਂਦੀ ਰਹੀ ਹੈ।
