14.1C Vancouver 14.1C VancouverJul 9, 2020 9:30 PM -
ਲਿਬਰਲ ਸਰਕਾਰ ਵੱਲੋਂ ਕਨੇਡੀਅਨ ਸਿਟੀਜ਼ਨਸ਼ਿਪ ਸੰਬੰਧੀ ਕੁਝ ਤਬਦੀਲੀ ਕੀਤੀ ਗਈ ਹੈ, ਜਿਸ ਦੇ ਆਸਰੇ "ਮਾਪਿਆਂ" ਦੀ ਪਰਿਭਾਸ਼ਾ 'ਚ ਕੁਝ ਬਦਲਾਅ ਕੀਤੇ ਜਾ ਰਹੇ ਹਨ।
ਇਸ ਦੇ ਆਸਰੇ ਕਨੇਡੀਅਨ ਸਿਟੀਜ਼ਨਸ਼ਿਪ ਹਾਸਿਲ ਕਰਨਾ ਆਸਾਨ ਹੋ ਸਕਦਾ ਹੈ।
ਪਹਿਲਾਂ ਕਨੇਡੀਅਨ ਮਾਪਿਆਂ ਦੇ ਘਰ ਜਨਮ ਲੈਣ ਵਾਲੇ ਬੱਚੇ ਸਿੱਧੇ ਸਿਟੀਜ਼ਨਸ਼ਿਪ ਹਾਸਿਲ ਕਰ ਸਕਦੇ ਸਨ।
ਪਰ ਜਿਹੜੇ ਜੋੜੇ ਕਿਸੇ ਹੋਰ ਤਰੀਕੇ ਦੇ ਨਾਲ ਟੈਕਨੌਲੋਜੀ ਦੀ ਵਰਤੋਂ ਕਰ ਬੱਚੇ ਹਾਸਿਲ ਕਰਦੇ ਸਨ, ਉਨ੍ਹਾਂ ਨੂੰ ਬੱਚੇ ਦੀ ਸਿਟੀਜ਼ਨਸ਼ਿਪ ਲਈ ਲੰਮੀ ਪ੍ਰਕਿਰਿਆ ਵਿੱਚੋਂ ਲੰਘਣਾ ਪੈਂਦਾ ਸੀ।
ਜੇਕਰ ਮਾਪਿਆਂ ਵਿੱਚੋਂ ਇੱਕ ਵਿਅਕਤੀ ਕਨੇਡੀਅਨ ਵੀ ਹੁੰਦਾ ਸੀ ਤਾਂ ਵੀ ਪ੍ਰੀਕਿਰਿਆ ਨੂੰ ਮੁਸ਼ਕਿਲ ਮੰਨਿਆ ਜਾਂਦਾ ਸੀ।
ਕਨੇਡੀਅਨ ਔਰਤ ਲੌਰੈਂਸ ਕੈਰਨ ਅਤੇ ਉਸ ਦੇ ਪਾਰਟਨਰ ਐਲਸੀ ਵੈਨ ਡਰ ਵੈਨ, ਜੋ ਕਿ ਡੱਚ ਹਨ, ਉਨ੍ਹਾਂ ਆਪਣੇ ਪੁੱਤਰ ਬੈਂਜਾਮਿਨ ਦੇ ਜਨਮ 'ਤੇ ਇਸ ਪ੍ਰੀਕਿਰਿਆ 'ਤੇ ਸਵਾਲ ਉਠਾਏ।
ਉਨ੍ਹਾਂ ਨੂੰ ਹੈਰਾਨੀ ਹੋਈ ਕਿ ਬੱਚਾ ਜਨਮ ਮੌਕੇ ਹੀ ਕਨੇਡੀਅਨ ਨਾਗਰਿਕ ਨਹੀਂ ਮੰਨਿਆ ਜਾ ਰਿਹਾ ਸੀ।
ਉਨ੍ਹਾਂ ਨੂੰ ਜਿੱਤ ਹਾਸਿਲ ਹੋਈ ਅਤੇ ਅੱਜ ਉਨ੍ਹਾਂ ਫੈਡਰਲ ਇਮੀਗ੍ਰੇਸ਼ਨ ਮੰਤਰੀ ਦੇ ਨਾਲ ਨਵੀਂ ਨੀਤੀ ਬਾਰੇ ਜਾਣਕਾਰੀ ਦਿੱਤੀ।
ਹੁਣ ਸਰਕਾਰ, ਨਾਨ-ਬਾਇਓਲੌਜੀਕਲ ਕਨੇਡੀਅਨ ਮਾਪਿਆਂ ਨੂੰ ਆਪਣੇ ਬੱਚੇ ਦੇ ਜਨਮ ਮੌਕੇ, ਸਿਟੀਜ਼ਨਸ਼ਿਪ ਪਾਸ ਕਰਨ ਦਾ ਹੱਕਦਾਰ ਦੱਸ ਰਹੀ ਹੈ।
