11.88C Vancouver 11.88C VancouverFeb 3, 2021 4:28 PM -
ਬ੍ਰਿਟਿਸ਼ ਕੋਲੰਬੀਆ ਵਿਚ ਲੰਬੇ ਸਮੇਂ ਤੋਂ ਲੇਬਰ ਅਤੇ ਮਨੁੱਖੀ ਅਧਿਕਾਰਾਂ ਦੇ ਆਗੂ ਰਹੇ ਚਰਨ ਗਿੱਲ ਦਾ 2 ਫਰਵਰੀ ਨੂੰ ਸਵਰਗਵਾਸ ਹੋ ਗਿਆ ਹੈ।
ਗਿੱਲ ਦੀ ਉਮਰ 84 ਸਾਲ ਸੀ ਅਤੇ ਉਹ ਪਿਛਲੇ ਕੁਝ ਸਮੇਂ ਤੋਂ ਕੈਂਸਰ ਤੋਂ ਪੀੜਤ ਸਨ।
ਹਾਂਗਕਾਂਗ ਵਿੱਚ ਜਨਮੇ ਅਤੇ ਭਾਰਤ ਵਿੱਚ ਪਲੇ ਗਿੱਲ 1967 ਵਿੱਚ ਕੈਨੇਡਾ ਆਏ ਸਨ।
ਉਨ੍ਹਾਂ ਨੇ ਫਾਰਮਾਂ ਵਿੱਚ ਕੰਮ ਕਰਦੇ ਲੋਕਾਂ ਦੇ ਅਧਿਕਾਰਾਂ ਲਈ ‘ਕਨੇਡੀਅਨ ਫਾਰਮ ਵਰਕਰਜ਼ ਯੂਨੀਅਨ’ ਅਤੇ ਨਸਲਵਾਦ ਖ਼ਿਲਾਫ਼ ਲੜਨ ਲਈ ‘ਬ੍ਰਿਟਿਸ਼ ਕੋਲੰਬੀਆ ਆਰਗੇਨਾਈਜ਼ੇਸ਼ਨ ਟੂ ਫਾਈਟ ਰੇਸਿਜ਼ਮ’ ਦੀ ਸਹਿ-ਸਥਾਪਨਾ ਕੀਤੀ।
ਉਹ ਸਰ੍ਹੀ ਵਿਖੇ ਸਥਿਤ ‘ਪ੍ਰੋਗ੍ਰੈਸਿਵ ਇੰਟਰਕਲਚਰਲ ਕਮਿਊਨਿਟੀ ਸਰਵਿਸਿਜ਼’ ਯਾਨੀ ‘ਪਿਕਸ’ ਦੇ ਸੰਸਥਾਪਕ ਅਤੇ ਸਾਬਕਾ ਸੀ.ਈ.ਓ. ਵੀ ਸਨ।
3 ਦਹਾਕੇ ਸੰਸਥਾ ਨਾਲ ਜੁੜੇ ਰਹਿਣ ਤੋਂ ਬਾਅਦ ਉਨ੍ਹਾਂ ਨੇ 2017 ਵਿੱਚ ਰਿਟਾਇਰਮੈਂਟ ਲਈ ਸੀ।
ਚਰਨ ਗਿੱਲ ਨੂੰ 1999 ਵਿੱਚ ‘ਆਰਡਰ ਆਫ ਬ੍ਰਿਟਿਸ਼ ਕੋਲੰਬੀਆ’ ਦੇ ਨਾਲ ਵੀ ਨਵਾਜ਼ਿਆ ਗਿਆ।
ਪ੍ਰੀਮੀਅਰ ਜੌਹਨ ਹੌਰਗਨ ਨੇ ਗਿੱਲ ਦੇ ਸਵਰਗਵਾਸ ਤੇ ਸ਼ੋਕ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਉਹ "ਸਮਾਜਕ ਨਿਆਂ ਅਤੇ ਆਮ ਲੋਕਾਂ ਦੇ ਚੈਂਪੀਅਨ ਸਨ।"
ਗਿੱਲ ਆਪਣੇ ਪਿੱਛੇ 3 ਬੱਚੇ ਅਤੇ ਉਨ੍ਹਾਂ ਦੇ ਪਰਿਵਾਰ ਛੱਡ ਗਏ ਹਨ।
ਪਰਿਵਾਰ ਵਲੋਂ ਸਾਂਝੀ ਕੀਤੀ ਗਈ ਜਾਣਕਾਰੀ ਅਨੁਸਾਰ ਚਰਨ ਗਿੱਲ ਨੂੰ ਆਖਰੀ ਵਿਦਾਇਗੀ ਇੱਕ ਪ੍ਰਾਈਵੇਟ ਫਿਊਨਰਲ ਵਿੱਚ ਦਿੱਤੀ ਜਾਵੇਗੀ ਅਤੇ ਕੁਝ ਸਮੇਂ ਬਾਅਦ ਉਨ੍ਹਾਂ ਦੀ ਯਾਦ ਵਿੱਚ ਇੱਕ ਖਾਸ ਸਮਾਗਮ ਵੀ ਆਯੋਜਿਤ ਕੀਤਾ ਜਾਵੇਗਾ।
