18.35C Vancouver 18.35C VancouverJun 24, 2020 9:30 PM -
ਫਰਸਟ ਨੇਸ਼ਨ ਚੀਫ਼ ਐਲਨ ਐਡਮ ਦਾ ਕਹਿਣਾ ਹੈ ਕਿ ਉਹ ਸੰਤੁਸ਼ਟ ਹਨ ਕਿ ਉਨ੍ਹਾਂ ਖਿਲਾਫ਼ ਲੱਗੇ ਦੋਸ਼ਾਂ ਨੂੰ ਹਟਾ ਦਿੱਤਾ ਗਿਆ ਹੈ।
ਉੱਤਰੀ ਐਲਬਰਟਾ ਫਰਸਟ ਨੇਸ਼ਨ ਦੇ ਚੀਫ਼ ਖਿਲਾਫ਼ ਲੱਗੇ ਦੋਸ਼ਾਂ ਨੂੰ ਅੱਜ ਰੱਦ ਕਰ ਦਿੱਤਾ ਗਿਆ ਹੈ।
ਬੁੱਧਵਾਰ ਨੂੰ ਚੀਫ਼ ਐਲਨ ਐਡਮ ਦਾ ਮਾਮਲਾ, ਫੋਰਟ ਮੈਕਮਰੀ ਪ੍ਰੋਵਿੰਸ਼ੀਅਲ ਕੋਰਟ ਦੇ ਜੱਜ ਸਾਹਮਣੇ ਸੀ।
ਪਰ ਕਰਾਊਨ ਵੱਲੋਂ ਐਲਨ ਐਡਮ ਖਿਲਾਫ਼ ਲਗਾਏ ਗਏ, ਗ੍ਰਿਫਤਾਰੀ ਤੋਂ ਬਚਣ ਅਤੇ ਸ਼ਾਂਤੀ ਅਫ਼ਸਰ ਨਾਲ ਕੁੱਟਮਾਰ ਦੇ ਦੋਸ਼ ਵਾਪਿਸ ਲੈ ਲਏ ਸਨ।
ਇਹ ਦੋਸ਼ ਉਸ ਵੇਲੇ ਵਾਪਿਸ ਲਏ ਗਏ ਸਨ, ਜਦ ਕੁਝ ਦਿਨ ਪਹਿਲਾਂ ਐਲਨ ਐਡਮ ਦੀ ਗ੍ਰਿਫਤਾਰੀ ਨਾਲ ਸੰਬੰਧਤ ਪੂਰਾ ਵੀਡੀਓ ਸਾਹਮਣੇ ਆਇਆ ਸੀ।
ਗ੍ਰਿਫਤਾਰੀ ਦਾ ਮਾਮਲਾ ਮਾਰਚ ਮਹੀਨੇ ਦਾ ਸੀ।
ਵੀਡੀਓ 'ਚ ਵਿਖਾਈ ਦਿੰਦਾ ਹੈ ਕਿ ਐਲਨ ਐਡਮ ਇੱਕ ਪੁਲਿਸ ਅਫ਼ਸਰ ਨਾਲ ਗੱਲਬਾਤ ਕਰ ਰਹੇ ਸਨ, ਜਿਸ ਦੌਰਾਨ ਉਨ੍ਹਾਂ ਦੀ ਗ੍ਰਿਫਤਾਰੀ ਤੋਂ ਪਹਿਲਾਂ ਇੱਕ ਪੁਲਿਸ ਅਫ਼ਸਰ ਨੇ ਅਚਾਨਕ ਉਨ੍ਹਾਂ ਵੱਲ ਵੱਧਦੇ ਹੋਏ ਮੁੱਕੇ ਬਰਸਾਏ ਸਨ।
ਐਲਨ ਐਡਮ ਦੇ ਵਕੀਲ ਨੇ ਕੋਰਟ ਨੂੰ ਕਿਹਾ ਕਿ ਉਹ ਪ੍ਰਸਿਕਿਊਟਰ ਦਾ ਧੰਨਵਾਦ ਕਰਦੇ ਹਨ, ਕਿਉਂਕਿ ਉਨ੍ਹਾਂ ਸਹੀ ਫੈਸਲਾ ਲਿਆ।
ਉਨ੍ਹਾਂ ਇੱਕ ਨਿਊਜ਼ ਰਿਲੀਜ਼ 'ਚ ਕਿਹਾ ਕਿ ਕਰਾਊਨ ਵੱਲੋਂ ਪਬੰਦੀਆਂ ਵਾਪਿਸ ਲੈਣ ਦਾ ਫੈਸਲਾ ਇਹ ਸਾਬਿਤ ਕਰਦਾ ਹੈ ਕਿ ਇਹ ਗ੍ਰਿਫਤਾਰੀ ਗਲਤ ਤਰੀਕੇ ਨਾਲ ਹੋਈ ਸੀ।
