ਹੈਲਸ ਏਂਜਲਸ ਦੇ ਸਹਿਯੋਗੀ ਗਰੁੱਪ 'ਤੇ ਸੀ.ਐਫ.ਐਸ.ਈ.ਯੂ. ਦੀ ਕਾਰਵਾਈ ਤੋਂ ਬਾਅਦ ਲੱਗੇ ਦੋਸ਼

ਕਈ ਸਾਲਾਂ ਤੋਂ ਜਾਰੀ ਜਾਂਚ ਤੋਂ ਬਾਅਦ 'ਹੈਲਸ ਏਂਜਲਸ' ਗਰੁੱਪ ਦੇ ਕਥਿਤ ਸਹਿਯੋਗੀ ਗਰੁੱਪ 'ਤੇ ਕਈ ਡਰੱਗਸ ਸੰਬੰਧੀ ਦੋਸ਼ ਲੱਗੇ ਹਨ।

ਪੁਲਿਸ ਨੇ ਇਸ ਸਹਿਯੋਗੀ ਗਰੁੱਪ ਦਾ ਨਾਮ 'ਥਰੌਟਲ ਲੌਕਰਸ' ਦੱਸਿਆ ਹੈ।

ਕੰਬਾਈਂਡ ਫੋਰਸਿਸ ਸਪੈਸ਼ਲ ਐਨਫੋਰਸਮੈਂਟ ਯੂਨਿਟ ਆਫ ਬੀ.ਸੀ. ਨੇ ਬੁੱਧਵਾਰ ਨੂੰ ਦੱਸਿਆ ਕਿ ਸਾਲ 2017 'ਚ ਅਰੰਭੀ ਗਈ ਜਾਂਚ ਤੋਂ ਬਾਅਦ ਹੁਣ ਸੂਬੇ ਦੇ ਇੰਟੀਰੀਅਰ ਇਲਾਕੇ ਤੋਂ ਵਾਸਤਾ ਰੱਖਣ ਵਾਲੇ 3 ਆਦਮੀਆਂ 'ਤੇ ਦੋਸ਼ ਲੱਗੇ ਹਨ।

ਪੁਲਿਸ ਨੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਆਦਮੀਆਂ ਦੀ ਪਛਾਣ ਫਲੈਕਲੈਂਡ ਦੇ 49 ਸਾਲਾ ਸ਼ੌਨ ਕਾਰਲਾਈਲ, ਕੈਲੋਨਾ ਦੇ 53 ਸਾਲਾ ਜ਼ੇਲ ਕੋਟੀ ਅਤੇ ਕੈਲੋਨਾ ਦੇ 29 ਸਾਲਾ ਜੇਕਬ ਕਾਵਾਨੌਗ ਵਜੋਂ ਕੀਤੀ।

ਸੀ.ਐਫ.ਐਸ.ਈ.ਯੂ. ਨੇ ਦੱਸਿਆ ਕਿ ਤਿੰਨਾਂ ਲੋਕਾਂ ਖਿਲਾਫ ਦੋਸ਼ ਬੀਤੇ ਮਹੀਨੇ ਮਨਜੂਰ ਹੋ ਗਏ ਸਨ।

ਯੂਨਿਟ ਨੇ ਇਹ ਵੀ ਦੱਸਿਆ ਕਿ ਤਿੰਨਾਂ ਲੋਕਾਂ ਨੂੰ ਕੇਸ ਦੇ ਜਾਰੀ ਰਹਿਣ ਵਿਚਾਲੇ ਕੁਝ ਸ਼ਰਤਾਂ 'ਤੇ ਰਿਹਾਅ ਕਰ ਦਿੱਤਾ ਗਿਆ ਸੀ।

ਸੁਪ੍ਰਿਟੈਂਡੈਂਟ ਸਿਡਨੀ ਲੈਕੀ ਨੇ ਦੱਸਿਆ ਕਿ ਕੈਮਲੂਪਸ ਆਰ.ਸੀ.ਐਮ.ਪੀ. ਕੋਲ ਪਹੁੰਚੇ ਕਤਲ, ਹਮਲਿਆਂ ਅਤੇ ਹੋਰ ਮਾਮਲਿਆਂ ਤੋਂ ਬਾਅਦ ਜਾਂਚ ਸ਼ੁਰੂ ਕੀਤੀ ਗਈ ਸੀ ਅਤੇ ਇਹ ਘਟਨਾਵਾਂ ਡਰੱਗ ਟਰੇਡ ਨਾਲ ਜੁੜੀਆਂ ਮੰਨੀਆਂ ਜਾ ਰਹੀਆਂ ਸਨ।

ਪੁਲਿਸ ਅਨੁਸਾਰ ਮਾਮਲੇ ਦੀ ਜਾਂਚ ਦੌਰਾਨ $3,30,000 ਕੈਸ਼ ਜਬਤ ਕੀਤਾ ਗਿਆ।

ਇਸ ਤੋਂ ਇਲਾਵਾ ਡਰੱਗਸ 'ਚ ਫੈਂਟਾਨਿਲ, ਕੋਕੇਨ ਅਤੇ ਮੈਥਮਫਿਟਾਮੀਨ ਬਰਾਮਦ ਕੀਤੀ ਗਈ।

ਪੁਲਿਸ ਅਨੁਸਾਰ ਇੱਕ ਹੈਂਡਗੰਨ, ਇੱਕ ਰੈਪਲਿਕਾ ਬੰਦੂਕ ਅਤੇ ਡਰੱਗ ਤਸਕਰੀ ਨਾਲ ਜੁੜੇ ਆਈਟਮ ਬਰਾਮਦ ਕੀਤੇ ਗਏ।

ਮੀਡੀਆ ਰਿਲੀਜ ਪੜ੍ਹਨ ਲਈ ਲਿੰਕ ਕਲਿਕ ਕਰੋ:

https://www.cfseu.bc.ca/hells-angels-support-club-expansion-into-kamloops-targeted-by-cfseu-bc-and-kamloops-rcmp-investigation/