ਲੈਂਗਲੀ 'ਚ ਅਗਸਤ 2024 'ਚ ਵਾਪਰੇ ਕਤਲ ਦੇ ਮਾਮਲੇ 'ਚ ਇੱਕ ਸ਼ੱਕੀ 'ਤੇ ਲੱਗੇ ਦੋਸ਼

ਲੈਂਗਲੇ ਵਿਚ ਅਗਸਤ 2024 ਵਿਚ ਹੋਈ ਇੱਕ ਹੱਤਿਆ ਦੇ ਮਾਮਲੇ ਵਿਚ ਸ਼ੱਕੀ 'ਤੇ ਬੀਸੀ ਪ੍ਰੌਸੀਕਿਊਸ਼ਨ ਸਰਵਿਸ ਨੇ ਦੂਜੇ ਦਰਜੇ ਦੇ ਕਤਲ ਦਾ ਚਾਰਜ ਮਨਜੂਰ ਕੀਤਾ ਹੈ। ਲੈਂਗਲੇ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ 2 ਅਗਸਤ 2024 ਨੂੰ 202B ਸਟ੍ਰੀਟ ਦੇ 7000-ਬਲਾਕ ਵਿਚ ਦੋ ਲੋਕਾਂ ਨੂੰ ਗੋਲੀਆਂ ਮਾਰੀਆਂ ਗਈਆਂ ਸਨ, ਜਿਨ੍ਹਾਂ ਵਿਚੋਂ ਇੱਕ ਨੇ ਹਸਪਤਾਲ ਪਹੁੰਚਣ 'ਤੇ ਦਮ ਤੋੜ ਦਿੱਤਾ ਸੀ। ਆਈ.ਐਚ.ਆਈ.ਟੀ. ਵਲੋਂ ਮ੍ਰਿਤਕ ਦੀ ਪਛਾਣ ਲੈਂਗਲੇ ਨਿਵਾਸੀ 41 ਸਾਲਾ ਡਿਲਨ ਉਂਗਰ ਵਜੋਂ ਕੀਤੀ ਗਈ।

ਪੁਲਿਸ ਨੇ ਕਿਹਾ ਕਿ ਇਸ ਮਾਮਲੇ ਦੀ ਜਾਂਚ ਦੌਰਾਨ ਆਈ.ਐਚ.ਆਈ.ਟੀ. ਨੇ ਸ਼ੱਕੀ ਦੀ ਹੱਤਿਆ ਦੇ ਹਾਲਾਤ ਸਮਝਣ ਅਤੇ ਚਾਰਜਿਜ਼ ਦੀ ਸਿਫਾਰਸ਼ ਕਰਨ ਲਈ ਆਰ.ਸੀ.ਐਮ.ਪੀ. ਅਤੇ Integrated Forensic Identification Service ਨਾਲ ਮਿਲ ਕੇ ਕੰਮ ਕੀਤਾ ਅਤੇ 31 ਜੁਲਾਈ ਨੂੰ ਬੀਸੀ ਪ੍ਰੌਸੀਕਿਊਸ਼ਨ ਸਰਵਿਸ ਨੇ ਸਟੀਫਨ ਜੌਹਨਸਨ ਨੂੰ ਉਂਗਰ ਦੇ ਕਤਲ ਮਾਮਲੇ ਵਿਚ ਸੈਕਿੰਡ ਡਿਗਰੀ ਮਰਡਰ ਨਾਲ ਚਾਰਜ ਕੀਤਾ। ਪੁਲਿਸ ਨੇ ਕਿਹਾ ਕਿ ਜੌਹਨਸਨ ਹਿਰਾਸਤ ਵਿਚ ਹੈ ਅਤੇ ਜਾਂਚਕਰਤਾ ਨੇ ਪੁਸ਼ਟੀ ਕੀਤੀ ਕਿ ਜੌਹਨਸਨ ਅਤੇ ਉਂਗਰ ਇੱਕ-ਦੂਜੇ ਨੂੰ ਜਾਣਦੇ ਸਨ।