19.28C Vancouver 19.28C VancouverJan 18, 2023 2:08 AM - Connect News
ਬੀ.ਸੀ. ਦੇ ਨਨਾਈਮੋ ਇਲਾਕੇ 'ਚ 26 ਸਾਲਾ ਐਮੀ ਵਾਟਸ ਦੇ ਲਾਪਤਾ ਹੋਣ ਤੇ ਮੌਤ ਦੇ ਮਾਮਲੇ 'ਚ ਉਸ ਦੇ ਸਾਬਕਾ ਬੁਆਏਫਰੈਂਡ 'ਤੇ ਮੈਨਸਲੌਟਰ ਦੇ ਦੋਸ਼ ਲੱਗੇ ਹਨ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਦੀ ਪਛਾਣ 38 ਸਾਲਾ ਕਾਇਲ ਗੋਰਡਨ ਔਰਡਵੇ ਦੱਸਿਆ ਗਿਆ ਹੈ।
ਨਨਾਈਮੋ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਨਨਾਈਮੋ ਕਰਾਊਨ ਕਾਉਂਸਿਲ ਵੱਲੋਂ 16 ਜਨਵਰੀ ਨੂੰ ਇਸ ਵਿਅਕਤੀ ਖਿਲਾਫ ਦੋਸ਼ ਤੈਅ ਕੀਤੇ ਗਏ ਹਨ।
ਐਮੀ ਵਾਟਸ ਪ੍ਰਿੰਸ ਐਡਵਰਡ ਆਈਲੈਂਡ ਤੋਂ ਵਾਸਤਾ ਰੱਖਦੀ ਸੀ ਅਤੇ ਕੁਝ ਸਾਲ ਪਹਿਲਾਂ ਵੈਨਕੂਵਰ ਆਈਲੈਂਡ 'ਤੇ ਆ ਕੇ ਰਹਿਣ ਲੱਗੇ ਸੀ।
ਮਈ 2021 'ਚ ਉਸ ਦੇ ਲਾਪਤਾ ਹੋਣ ਤੱਕ ਉਹ ਔਰਡਵੇ ਦੇ ਨਾਲ ਰਿਸ਼ਤੇ 'ਚ ਸੀ।
ਜਾਣਕਾਰੀ ਦਿੱਤੀ ਗਈ ਕਿ ਮਾਮਲਾ ਕੋਰਟ 'ਚ ਪਹੁੰਚਣ ਕਾਰਨ ਫਿਲਹਾਲ ਪੁਲਿਸ ਇਸ ਮਾਮਲੇ 'ਚ ਵਧੇਰੇ ਜਾਣਕਾਰੀ ਜਾਰੀ ਨਹੀਂ ਕਰ ਰਹੀ ਹੈ।
ਯਾਦ ਰਹੇ ਐਮੀ ਵਾਟਸ ਦਾ ਮ੍ਰਿਤ ਸ਼ਰੀਰ ਨਨਾਈਮੋ ਦੇ ਇੱਕ ਜੰਗਲੀ ਇਲਾਕੇ 'ਚ ਮਿਲਿਆ ਸੀ।
ਮਾਮਲੇ ਸੰਬੰਧੀ 18 ਮਹੀਨੇ ਦੀ ਜਾਂਚ ਤੋਂ ਬਾਅਦ ਦੋਸ਼ ਤੈਅ ਕੀਤੇ ਗਏ ਹਨ।
