16.17C Vancouver 16.17C VancouverAug 23, 2022 8:10 PM - Connect News
ਸਰੀ ਵਿੱਚ ਜੁਲਾਈ ਮਹੀਨੇ ਦੇ ਅੰਤ 'ਚ ਵਾਪਰੇ ਦੋਹਰੇ ਕਤਲ ਦੀ ਵਾਰਦਾਤ 'ਚ ਗ੍ਰਿਫਤਾਰੀ ਕੀਤੀ ਗਈ ਹੈ ਅਤੇ ਦੋਸ਼ ਤੈਅ ਕੀਤੇ ਗਏ ਹਨ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਦਾ ਕਹਿਣਾ ਹੈ ਕਿ ਪੀੜਤ ਲੋਕਾਂ ਦੀ ਪਛਾਣ ਜੌਰਡਨ ਕ੍ਰਿਸ਼ਨਾ ਅਤੇ ਰੋਬੀਨ ਸੋਰੇਨੀ ਵਜੋਂ ਹੋਈ ਸੀ।
30 ਜੁਲਾਈ ਨੂੰ ਦੁਪਹਿਰ ਕਰੀਬ 2.45 ਵਜੇ ਪੁਲਿਸ ਨੂੰ 20 ਐਵੀਨਿਊ ਦੇ 14600 ਬਲੌਕ ਕੋਲ ਸਾਊਥ ਸਰੀ ਐਥਲੈਟਿਕ ਪਾਰਕ 'ਚ ਗੋਲੀ ਚੱਲਣ ਦੀ ਰਿਪੋਰਟ ਮਿਲੀ ਸੀ।
ਮੌਕੇ 'ਤੇ ਜੌਰਡਨ ਕ੍ਰਿਸ਼ਨਾ, ਰੋਬੀਨ ਸੋਰੇਨੀ ਅਤੇ ਹਰਬੀਰ ਖੋਸਾ ਨਾਮ ਦੇ ਲੋਕਾਂ ਨੂੰ ਗੋਲੀ ਲੱਗਣ ਕਾਰਨ ਜਖਮੀ ਪਾਇਆ ਗਿਆ ਸੀ।
2 ਲੋਕਾਂ ਨੇ ਦਮ ਤੋੜ ਦਿੱਤਾ ਸੀ ਜਦਕਿ ਹਰਬੀਰ ਖੋਸਾ ਨਾਮ ਦੇ ਵਿਅਕਤੀ ਨੂੰ ਨਾਜੁਕ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਮਾਮਲੇ 'ਚ 5 ਅਗਸਤ ਨੂੰ ਸਰੀ ਦੇ 25 ਸਾਲਾ ਬ੍ਰਾਈਸ ਡੈਲਸ ਕੈਂਪਬੈਲ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਆਈ.ਹਿਟ ਦਾ ਕਹਿਣਾ ਹੈ ਕਿ 22 ਅਗਸਤ ਨੂੰ ਇਸ ਵਿਅਕਤੀ 'ਤੇ ਘਟਨਾ ਸੰਬੰਧੀ ਸੈਕਿੰਡ ਡਿਗਰੀ ਕਤਲ ਦੇ 2 ਦੋਸ਼ ਅਤੇ ਕਤਲ ਦੀ ਕੋਸ਼ਿਸ਼ ਦਾ ਇੱਕ ਦੋਸ਼ ਤੈਅ ਕੀਤਾ ਗਿਆ ਹੈ।
