10.35C Vancouver 10.35C VancouverOct 2, 2025 7:39 PM - Connect Newsroom
ਸਰੀ ਪੁਲਿਸ ਸਰਵਿਸ ਨੇ ਕਿੰਗ ਜਾਰਜ ਬੁਲੇਵਾਰਡ ਦੇ 9800 ਬਲਾਕ ਵਿਚ ਹੋਈਆਂ ਘਟਨਾਵਾਂ ਦੇ ਸਬੰਧ ਵਿਚ 42 ਸਾਲਾ ਕੁਲਵਿੰਦਰ ਮਾਨ 'ਤੇ ਚੋਰੀ, ਜਿਨਸੀ ਸ਼ੋਸ਼ਣ ਅਤੇ ਹਮਲੇ ਦੇ ਦੋਸ਼ ਲਗਾਏ ਹਨ। ਪੁਲਿਸ ਨੇ ਕਿਹਾ ਕਿ 26 ਅਗਸਤ 2025 ਨੂੰ ਤੜਕੇ ਲਗਭਗ 3:10 ਵਜੇ ਕਿੰਗ ਜਾਰਜ ਬੁਲੇਵਾਰਡ ਦੇ 9800 ਬਲਾਕ ਵਿਚ ਕੁਲਵਿੰਦਰ ਮਾਨ ਨੇ ਇੱਕ ਅਜਨਬੀ ਨਾਲ ਗੱਲਬਾਤ ਦੌਰਾਨ ਉਸਾ ਦਾ ਸੈੱਲ ਫੋਨ ਚੋਰੀ ਕਰ ਲਿਆ।
ਥੋੜ੍ਹੀ ਦੇਰ ਬਾਅਦ ਇੱਕ ਔਰਤ ਉਸੇ ਇਲਾਕੇ ਵਿਚੋਂ ਲੰਘ ਰਹੀ ਸੀ ਅਤੇ ਉਸ ਨਾਲ ਥੋੜ੍ਹੀ ਗੱਲਬਾਤ ਤੋਂ ਬਾਅਦ ਉਸ ਨੂੰ ਨੇੜੇ ਦੀਆਂ ਝਾੜੀਆਂ ਵਿਚ ਧੱਕਾ ਦੇ ਕੇ ਸੁੱਟਾ ਦਿੱਤਾ ਅਤੇ ਉਸ ਦਾ ਜਿਨਸੀ ਸ਼ੋਸ਼ਣ ਕੀਤਾ, ਜਿਸ ਮਗਰੋਂ ਉਥੋਂ ਪੈਦਲ ਭੱਜ ਗਿਆ ਸੀ।
ਸਰੀ ਪੁਲਿਸ ਸਰਵਿਸ ਨੇ ਕਿਹਾ ਕਿ ਕੁਲਵਿੰਦਰ ਨੂੰ ਚੋਰੀ ਅਧੀਨ $5,000, ਜਿਨਸੀ ਸ਼ੋਸ਼ਣ ਅਤੇ ਹਮਲੇ ਸਮੇਤ ਤਿੰਨ ਦੋਸ਼ਾਂ ਨਾਲ ਚਾਰਜ ਕੀਤਾ ਗਿਆ ਹੈ ਅਤੇ ਉਸ ਦੀ ਅੱਜ ਕੋਰਟ ਵਿਚ ਪੇਸ਼ੀ ਸੀ।
