15.76C Vancouver 15.76C VancouverJun 25, 2021 8:40 PM -
ਅਮਰੀਕਾ 'ਚ ਜਾਰਜ ਫਲਾਇਡ ਕਤਲ ਮਾਮਲੇ ਸੰਬੰਧੀ ਅੱਜ ਸਾਬਕਾ ਪੁਲਿਸ ਅਫ਼ਸਰ ਡੈਰਿਕ ਚੌਵਿਨ ਨੂੰ ਅਦਾਲਤ ਨੇ ਦੋਸ਼ੀ ਠਿਹਰਾਇਆ ਹੈ।
ਜੱਜ ਨੇ ਡੈਰਿਕ ਚੌਵੀਨ ਨੂੰ 270 ਮਹੀਨੇ ਦੀ ਸਜਾ ਸੁਣਾਈ ਹੈ।
ਯਾਨੀ ਕਿ ਜਾਰਜ ਫਲਾਈਡ ਦੇ ਕਤਲ ਦੇ ਮਾਮਲੇ 'ਚ ਡੈਰਿਕ ਚੌਵੀਨ ਨੂੰ ਸਾਢੇ 22 ਸਾਲਾਂ ਦੀ ਸਜਾ ਸੁਣਾਈ ਗਈ ਹੈ।
ਅੱਜ ਇਸ ਮਾਮਲੇ 'ਚ ਸਜਾ ਸੁਣਾਉਣ ਸੰਬੰਧੀ 'ਸੈਂਟੈਂਸ ਹੀਅਰਿੰਗ' ਜਾਰੀ ਸੀ।
ਜੱਜ ਪੀਟਰ ਕੇਹਿਲ ਨੇ ਜਾਰਜ ਫਲਾਇਡ ਦੇ ਪਰਿਵਾਰਿਕ ਮੈਂਬਰਾਂ ਨੂੰ ਕਿਹਾ ਕਿ ਉਹ ਉਨ੍ਹਾਂ ਦੇ ਪਰਿਵਾਰ ਦੇ ਦੁੱਖ ਨੂੰ ਸਮਝਦੇ ਹਨ।
ਕੇਹਿਲ ਨੇ ਕਿਹਾ ਕਿ ਉਹ 22 ਸਫ਼ਿਆਂ ਦਾ ਮੈਮੋਰੈਂਡਮ ਜਾਰੀ ਕਰਨਗੇ ਜਿਸ 'ਚ ਇਸ ਸਜ਼ਾ ਦੇ ਰੈਸ਼ਨੈਲ ਸੰਬੰਧੀ ਵੇਰਵੇ ਸ਼ਾਮਿਲ ਹੋਣਗੇ।
ਜੇਕਰ ਚੌਵਿਨ ਵੱਲੋਂ ਚੰਗੇ ਵਿਵਹਾਰ ਨੂੰ ਦਰਸ਼ਾਇਆ ਜਾਂਦਾ ਹੈ ਤਾਂ ਉਸ ਨੂੰ ਆਪਣੀ ਦੋ-ਤਿਹਾਈ ਸਜ਼ਾ ਭੁਗਤਣ ਤੋਂ ਬਾਅਦ ਯਾਨੀ ਕਿ 15 ਸਾਲ ਤੋਂ ਬਾਅਦ ਪੈਰੋਲ ਮਿਲ ਸਕਦੀ ਹੈ।
ਚੌਵਿਨ ਦੀ ਸਜ਼ਾ ਉਸ ਦੇ ਅਪਰਾਧ ਨਾਲ ਜੁੜੇ 'ਸੈਂਟੈਂਸਿੰਗ ਗਾਈਡਲਾਈਨਜ਼' ਤੋਂ 10 ਸਾਲ ਵਧੇਰੇ ਦੱਸੀ ਗਈ ਹੈ।
ਜੱਜ ਕੇਹਿਲ ਨੇ ਕਿਹਾ ਕਿ ਸਜ਼ਾ 'ਚ ਵਾਧਾ ਚੌਵਿਨ ਦੇ ਭਰੋਸੇ ਅਤੇ ਅਥਾਰਿਟੀ ਵਾਲੇ ਅਹੁਦੇ ਦਾ ਸਨਮਾਨ ਨਾ ਰੱਖਣ ਅਤੇ ਜਾਰਜ ਫਲਾਇਡ ਪ੍ਰਤੀ ਬੇਰਹਿਮੀ ਵਿਖਾਉਣ ਲਈ ਕੀਤਾ ਜਾ ਰਿਹਾ ਹੈ।
