13.33C Vancouver 13.33C VancouverOct 18, 2022 12:11 AM - Connect News
ਵੀਕਐਂਡ ਦੌਰਾਨ ਹੋਏ ਪੋਰਟ ਮੂਡੀ ਦੇ ਜਨਰਲ ਲੋਕਲ ਇਲੈਕਸ਼ਨ ਤਹਿਤ ਚੀਫ਼ ਇਲੈਕਸ਼ਨ ਆਫਿਸਰ ਨੇ ਡਿਸਕ੍ਰਿਸ਼ਨਰੀ ਇੰਟਰਨਲ ਰੀਕਾਉਂਟ ਆਰੰਭ ਦਿੱਤਾ ਹੈ।
ਇਲੈਕਸ਼ਨ ਦੇ ਪ੍ਰੀਲਿਮਨਰੀ ਨਤੀਜਿਆਂ ਨੂੰ ਵੇਰੀਫਾਈ ਕਰਨ ਲਈ ਰੀਕਾਉਂਟ ਕੀਤਾ ਜਾ ਰਿਹਾ ਹੈ।
ਇਹ ਰੀਕਾਉਂਟ ਉਸ ਵੇਲੇ ਕੀਤਾ ਜਾ ਰਿਹਾ ਹੈ, ਜਦ ਕਾਉਂਸਲਰ ਦੀ ਦੌੜ 'ਚ ਸ਼ਾਮਿਲ 2 ਨੁਮਾਇੰਦਿਆਂ ਵਿਚਾਲੇ ਸਿਰਫ 2 ਵੋਟਾਂ ਦਾ ਅੰਤਰ ਪਾਇਆ ਗਿਆ।
ਦਰਅਸਲ 6ਵੇਂ ਨੰਬਰ 'ਤੇ ਰਹਿ ਕੇ ਕਾਉਂਸਲਰ ਚੁਣੇ ਗਏ ਡੇਵਿਡ ਸਟੂਅਰਟ ਨੂੰ 3,596 ਵੋਟਾਂ ਹਾਸਿਲ ਹੋਈਆਂ ਸਨ ਅਤੇ ਉਨ੍ਹਾਂ ਤੋਂ 2 ਵੋਟਾਂ ਘਟ ਹਾਸਿਲ ਕਰ ਕੁੱਲ 3,594 ਵੋਟਾਂ ਨਾਲ ਐਮੀ ਲੁਬਿਕ ਕਾਉਂਸਲਰ ਬਣਨ ਤੋਂ ਖੁੰਝ ਗਏ।
ਇਸੇ ਨਤੀਜੇ ਨੂੰ ਵੇਰੀਫਾਈ ਕਰਨ ਲਈ ਫਿਰ ਤੋਂ ਵੋਟਾਂ ਦੀ ਗਿਣਤੀ ਕੀਤੀ ਜਾ ਰਹੀ ਹੈ।
ਚੀਫ਼ ਇਲੈਕਸ਼ਨ ਆਫਿਸਰ ਫਿਲਿਪ ਲੋ ਨੇ ਇਸ ਸੰਬੰਧੀ ਜਾਣਕਾਰੀ ਸਾਂਝੀ ਕੀਤੀ।
ਉਨ੍ਹਾਂ ਕਿਹਾ ਕਿ ਸਿਟੀ ਦੇ ਜਨਰਲ ਲੋਕਲ ਗਵਰਨਮੈਂਟ ਇਲੈਕਸ਼ਨ ਬਾਈਲਾਅ ਅਤੇ ਬੀ.ਸੀ. ਦੇ ਲੋਕਲ ਗਵਰਮੈਂਟ ਐਕਟ ਤਹਿਤ ਅਜਿਹਾ ਕਰਨਾ ਜਰੂਰੀ ਨਹੀਂ ਹੈ ਪਰ ਉਨ੍ਹਾਂ ਕਿਹਾ ਕਿ ਬਿਹਤਰ ਪਾਰਦਰਸ਼ਤਾ ਲਈ ਅਜਿਹਾ ਕਰਨਾ ਚੰਗਾ ਹੋਵੇਗਾ।
