18.6C Vancouver 18.6C VancouverJun 9, 2021 4:34 PM -
ਬੀ.ਸੀ. ਦੇ ਸਦਰਨ ਇੰਟੀਰੀਅਰ 'ਚ ਸਿਹਤ ਸੰਬੰਧੀ ਚੀਫ਼ ਮੈਡਿਕਲ ਅਫ਼ਸਰ ਨੂੰ 'ਸੈਕਸ' ਸੰਬੰਧੀ ਦੋਸ਼ਾਂ 'ਚ ਗ੍ਰਿਫਤਾਰ ਕੀਤਾ ਗਿਆ ਹੈ।
ਐਲਬਰਟਾ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ 52 ਸਾਲਾ ਐਲਬਰਟ ਡਿਵਿਲੀਅਰਸ 'ਤੇ ਜਿਨਸੀ ਹਮਲੇ ਦਾ ਇੱਕ ਦੋਸ਼ ਅਤੇ ਸੈਕਸ਼ੂਅਲ ਇੰਟਰਫੀਅਰੈਂਸ ਦਾ ਇੱਕ ਦੋਸ਼ ਲੱਗਾ ਹੈ।
ਕੌਰਪੋਰਲ ਕਰਟਿਸ ਪੀਟਰਸ ਦਾ ਕਹਿਣਾ ਸੀ ਕਿ ਡਿਵਿਲੀਅਰਸ ਨੂੰ ਕੈਲੋਨਾ 'ਚ ਮੰਗਲਵਾਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਇਸ ਸੰਬੰਧੀ ਐਲਬਰਟਾ ਦੇ ਗ੍ਰੈਂਡ ਪ੍ਰਾਇਰੀ 'ਚ ਵਾਰੰਟ ਜਾਰੀ ਹੋਏ ਸਨ।
ਗ੍ਰੈਂਡ ਪ੍ਰਾਇਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਇਹ ਦੋਸ਼ ਸਾਲ 2018 ਤੋਂ 2020 ਦੇ ਦਰਮਿਆਨ ਦੇ ਹਨ ਅਤੇ ਇੱਕ ਬੱਚੇ ਨਾਲ ਸੰਬੰਧਤ ਹਨ।
ਇਸ ਸੰਬੰਧੀ ਸਪੈਸ਼ਲ ਇਨਵੈਸਟੀਗੇਸ਼ਨ ਯੂਨਿਟ ਨੇ ਜਾਂਚ ਕੀਤੀ ਸੀ।
ਇਸ ਮਾਮਲੇ 'ਚ ਬੀ.ਸੀ. ਦੇ ਸਿਹਤ ਅਧਿਕਾਰੀਆਂ ਨੇ ਟਿੱਪਣੀ ਨਹੀਂ ਕੀਤੀ ਹੈ।
ਡਾ. ਡਿਵਿਲੀਅਰਸ ਨੇ ਜੁਲਾਈ 2020 ਤਕ ਐਲਬਰਟਾ ਦੇ ਨੌਰਥ ਜ਼ੋਨ ਦੇ ਮੈਡਿਕਲ ਅਫ਼ਸਰ ਆਫ ਹੈਲਥ ਦੀ ਭੂਮਿਕਾ ਨਿਭਾਈ ਸੀ।
