19.04C Vancouver 19.04C VancouverJun 13, 2025 5:42 PM - The Canadian Press
ਕੈਨੇਡਾ ਦੀ ਮੁੱਖ ਜਨ ਸਿਹਤ ਅਧਿਕਾਰੀ ਡਾ. ਥੇਰੇਸਾ ਟੈਮ ਅਗਲੇ ਹਫ਼ਤੇ ਦੇ ਅੰਤ ਵਿਚ ਆਪਣਾ ਅਹੁਦਾ ਛੱਡ ਰਹੀ ਹਨ। ਉਨ੍ਹਾਂ ਦਾ ਕਾਰਜਕਾਲ 20 ਜੂਨ ਨੂੰ ਸਮਾਪਤ ਹੋ ਜਾਵੇਗਾ। ਉਹ ਜੂਨ 2017 ਤੋਂ ਇਸ ਅਹੁਦੇ 'ਤੇ ਹਨ, ਪਿਛਲੇ ਪੰਜ ਸਾਲਾਂ ਵਿਚ ਘਰ-ਘਰ ਵਿਚ ਉਨ੍ਹਾਂ ਦਾ ਨਾਮ ਹੋਇਆ ਹੈ ਕਿਉਂਕਿ ਡਾ: ਥੇਰੇਸਾ ਟੈਮ ਨੇ ਕੋਵਿਡ-19 ਮਹਾਮਾਰੀ ਦੌਰਾਨ ਦੇਸ਼ ਦੇ ਪਬਲਿਕ ਰਿਸਪੌਂਸ ਨੂੰ ਲੀਡ ਕੀਤਾ ਸੀ।
ਡਾ. ਥੇਰੇਸਾ ਟੈਮ ਨੇ ਕਿਹਾ ਕਿ ਸ਼ੁੱਕਰਵਾਰ ਨੂੰ ਉਨ੍ਹਾਂ ਦਾ ਕਾਰਜਕਾਲ ਖ਼ਤਮ ਹੋ ਰਿਹਾ ਹੈ ਅਤੇ ਫਿਲਹਾਲ ਉਨਾਂ ਕੋਲ ਹੋਰ ਨੌਕਰੀ ਕਤਾਰ ਵਿਚ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਉਹ ਆਪਣੇ ਕੁਝ ਸ਼ੌਂਕ ਪੂਰੇ ਕਰਨ ਅਤੇ ਪਰਿਵਾਰ ਨਾਲ ਸਮਾਂ ਬਿਤਾਉਣ ਲਈ ਕੰਮ ਤੋਂ ਬ੍ਰੇਕ ਲੈ ਰਹੀ ਹਨ।
ਬਾਲ ਰੋਗ ਛੂਤ ਦੀ ਬਿਮਾਰੀ ਦੀ ਡਾਕਟਰ ਟੈਮ 1998 ਵਿਚ ਕੈਨੇਡਾ ਵਿਚ ਖਸਰੇ ਦੇ ਖਾਤਮੇ ਸਮੇਂ ਫੈਡਰਲ ਸਰਕਾਰ ਦੀ ਪਬਲਿਕ ਹੈਲਥ ਟੀਮ ਟੀਮ ਵਿਚ ਸ਼ਾਮਲ ਹੋਈ ਸਨ। ਉਨ੍ਹਾਂ ਕਿਹਾ ਕਿ ਖਸਰਾ ਵਾਇਰਸ ਦੀ ਵਾਪਸੀ ਚਿੰਤਾਜਨਕ ਹੈ ਪਰ ਟੈਮ ਨੇ ਉਮੀਦ ਜਤਾਈ ਕਿ ਕੈਨੇਡਾ ਟੀਕਾਕਰਨ ਰਾਹੀਂ ਇੱਕ ਵਾਰ ਫਿਰ ਇਸ ਦੇ ਘਰੇਲੂ ਪ੍ਰਸਾਰਣ ਨੂੰ ਰੋਕ ਸਕਦਾ ਹੈ।
