20.66C Vancouver 20.66C VancouverApr 15, 2020 10:36 PM -
ਕੈਨੇਡਾ ਦੀ ਚੀਫ ਪਬਲਿਕ ਹੈਲਥ ਅਫਸਰ, ਡਾ, ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਕੋਵਿਡ-19 ਪੈਂਡੇਮਿਕ ਕੈਨੇਡਾ 'ਚ ਧੀਮਾ ਹੋ ਗਿਆ ਹੈ, ਅਜੇ ਇਹ ਸੋਚਦੇ ਹੋਏ ਬਹੁਤ ਧਿਆਨ ਰੱਖਣ ਦੀ ਲੋੜ ਹੈ।
ਮਾਰਚ ਦੇ ਅੰਤ ਤਕ ਕੈਨੇਡਾ 'ਚ ਕਰੀਬ ਹਰ 3 ਦਿਨ ਅੰਦਰ ਵਾਇਰਸ ਸੰਬੰਧੀ ਮਾਮਲੇ ਦੁੱਗਣੇ ਹੋ ਰਹੇ ਸਨ।
ਪਰ ਹਾਲ ਦੇ ਦਿਨਾਂ 'ਚ ਮਾਮਲੇ ਦੁੱਗਣੇ ਹੋਣ ਲਈ ਕਰੀਬ 10 ਦਿਨ ਲੱਗ ਰਹੇ ਹਨ।
ਪਰ ਡਾ. ਟੈਮ ਨੇ ਕਿਹਾ ਕਿ ਇਸਦਾ ਇਹ ਬਿਲਕੁਲ ਅੰਦਾਜਾ ਨਾ ਲਗਾਇਆ ਜਾਵੇ ਕਿ ਫਿਜੀਕਲ ਡਿਸਟੈਨਸਿੰਗ ਜਿਹੇ ਕਦਮਾਂ 'ਚ ਢਿੱਲ ਵਰਤੀ ਜਾ ਸਕਦੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਪੈਂਡੇਮਿਕ ਦੇ ਘਟਦੇ ਮਾਮਲਿਆਂ ਨਾਲ ਨਜਿੱਠਣਾ ਹਨੇਰੇ 'ਚ ਕਿਸੇ ਪਹਾੜ ਤੋਂ ਉਤਰਣ ਦੇ ਸਮਾਨ ਹੋਵੇਗਾ, ਜਦ ਬਹੁਤ ਧੀਮੀ ਰਫਤਾਰ ਅਤੇ ਬਹੁਤ ਧਿਆਨ ਰੱਖਣ ਦੀ ਲੋੜ ਹੋਵੇਗੀ ਨਹੀਂ ਤਾਂ ਡਿਗਦੇ ਹੋਏ ਭੈੜੀਆਂ ਸੱਟਾਂ ਖਾ ਬੈਠਾਂਗੇ।
