ਕੈਨੇਡੀਅਨ ਮਾਪਿਆਂ ਨੂੰ ਇਸ ਹਫ਼ਤੇ ਚਾਈਲਡ ਬੈਨੀਫਿਟ ਸਕੀਮ ਦੇ ਚੈਕ ਹੋਣਗੇ ਜਾਰੀ

ਕੈਨੇਡੀਅਨ ਮਾਪਿਆਂ ਨੂੰ ਇਸ ਹਫ਼ਤੇ ਚਾਈਲਡ ਬੈਨੀਫਿਟ ਸਕੀਮ ਦੇ ਚੈਕ ਜਾਰੀ ਹੋਣ ਜਾ ਰਹੇ ਹਨ। ਇਹ ਉਦੋਂ ਹੋਇਆ ਜਦੋਂ ਕੈਨੇਡਾ ਪੋਸਟ ਵਰਕਰ ਦੀ ਹੜਤਾਲ ਚੱਲ ਰਹੀ ਹੈ। 18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਵਾਲੇ ਪਰਿਵਾਰਾਂ ਨੂੰ ਕੈਨੇਡਾ ਚਾਈਲਡ ਬੈਨੀਫਿਟ ਪ੍ਰੋਗਰਾਮ ਤਹਿਤ ਨਵੰਬਰ ਦੀ ਪੇਮੈਂਟ ਬੁੱਧਵਾਰ ਨੂੰ ਪ੍ਰਾਪਤ ਹੋਵੇਗੀ।

ਹਾਲਾਂਕਿ, ਜੋ ਮਾਪੇ ਡਾਕ ਰਾਹੀਂ ਚੈਕ ਮਿਲਣ ਦੀ ਉਡੀਕ ਕਰ ਰਹੇ ਹਨ, ਉਨ੍ਹਾਂ ਲਈ ਵੀ ਰਾਹਤ ਦੀ ਖਬਰ ਹੈ ਕਿਉਂਕਿ ਕੈਨੇਡਾ ਪੋਸਟ ਅਤੇ ਕੈਨੇਡਾ ਰੈਵੇਨਿਊ ਏਜੰਸੀ ਨੇ ਭਰੋਸਾ ਦਿਵਾਇਆ ਹੈ ਕਿ ਡਾਕ ਰਾਹੀਂ ਚੈੱਕ ਡਿਲੀਵਰ ਕੀਤੇ ਜਾਣਗੇ।

ਕੈਨੇਡਾ ਰੈਵੇਨਿਊ ਏਜੰਸੀ ਨੇ ਕਿਹਾ ਕਿ ਪੋਸਟ ਵਿਭਾਗ ਨੇ ਉਸ ਨਾਲ ਸਹਿਮਤੀ ਜਤਾਈ ਹੈ ਕਿ 20 ਨਵੰਬਰ ਨੂੰ ਕੈਨੇਡਾ ਚਾਈਲਡ ਬੈਨੀਫਿਟ ਅਤੇ ਸੂਬਿਆਂ ਦੇ ਸਬੰਧਤ ਪ੍ਰੋਗਰਾਮ ਦੇ ਚੈਕ ਬਿਨਾਂ ਕਿਸੇ ਰੁਕਾਵਟ ਦੇ ਪਹੁੰਚਾਏ ਜਾਣਗੇ।

ਰੈਵੇਨਿਊ ਡਿਪਾਰਟਮੈਂਟ ਨੇ ਕਿਹਾ ਕਿ ਕੈਨੇਡਾ ਚਾਈਲਡ ਬੈਨੀਫਿਟ ਪ੍ਰੋਗਰਾਮ, ਕੈਨੇਡਾ ਪੈਨਸ਼ਨ ਯੋਜਨਾ, ਬੁਢਾਪਾ ਸੁਰੱਖਿਆ ਪਲੈਨ ਤੇ ਸੂਬਿਆਂ ਦੇ ਸਮਾਜਿਕ-ਆਰਥਿਕ ਪ੍ਰੋਗਰਾਮ ਨਾਲ ਜੁੜੇ ਚੈਕ ਸਮੇਂ ਸਿਰ ਡਿਲਿਵਰ ਕਰਨ ਲਈ ਉਸ ਦਾ ਕੈਨੇਡੀਅਨ ਪੋਸਟਲ ਵਰਕਰਜ਼ ਯੂਨੀਅਨ ਨਾਲ ਵਿਸ਼ੇਸ਼ ਸਮਝੌਤਾ ਹੈ।