ਕੈਨੇਡਾ ’ਚ ਨੈਸ਼ਨਲ ਚਾਈਲਡ ਕੇਅਰ ਦਾ ਜਲਦ ਹੀ ਬਣੇਗਾ ਕਾਨੂੰਨ

ਕੈਨੇਡਾ ਸਰਕਾਰ ਦਾ ਰਾਸ਼ਟਰੀ ਬਾਲ ਸੰਭਾਲ ਕਾਨੂੰਨ ਸੰਸਦ ਵਿਚ ਸਾਰੇ ਪੜਾਅ ਪਾਰ ਚੁੱਕਾ ਹੈ, ਹੁਣ ਇਹ ਜਲਦ ਹੀ ਕਾਨੂੰਨ ਬਣਨ ਜਾ ਰਿਹਾ ਹੈ। ਇਸ ਕਾਨੂੰਨ ਦਾ ਮਕਸਦ ਨੈਸ਼ਨਲ ਬਾਲ ਸੰਭਾਲ ਸਿਸਟਮ ਦੀ ਫੰਡਿੰਗ ਨੂੰ ਪ੍ਰੋਟੈਕਟ ਕਰਨਾ ਹੈ, ਭਵਿੱਖ ਦੀ ਕਿਸੇ ਵੀ ਸਰਕਾਰ ਲਈ ਇਸ ਨੂੰ ਡਿਫੰਡ ਕਰਨਾ ਮੁਸ਼ਕਲ ਹੋਵੇਗਾ।

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਸਰਕਾਰ ਨੇ 2021 ਵਿਚ ਨੈਸ਼ਨਲ ਬਾਲ ਸੰਭਾਲ ਸਿਸਟਮ ਸਥਾਪਤ ਕਰਨ ਦੀ ਘੋਸ਼ਣਾ ਕੀਤੀ ਸੀ। ਇਸ ਦਾ ਉਦੇਸ਼ 2026 ਤੱਕ ਡੇਅ ਕੇਅਰ ਦੀ ਪ੍ਰਤੀ ਦਿਨ ਕੀਮਤ $10 ’ਤੇ ਲਿਆਉਣਾ ਹੈ।

ਹਾਲਾਂਕਿ, ਮਾਹਰਾਂ ਨੇ ਸਬਸਿਡੀ ਵਾਲੇ ਚਾਈਲਡ ਕੇਅਰ ਦੀ ਵੱਧ ਰਹੀ ਮੰਗ ਨੂੰ ਪੂਰਾ ਕਰਨ ਲਈ ਥਾਂਵਾਂ ਦੀ ਘਾਟ ਬਾਰੇ ਚਿੰਤਾਵਾਂ ਜ਼ਾਹਰ ਕੀਤੀਆਂ ਹਨ। ਫੈਡਰਲ ਸਰਕਾਰ ਨੇ 2021 ਵਿਚ ਘੋਸ਼ਣਾ ਕੀਤੀ ਸੀ ਕਿ ਕੈਨੇਡਾ ਭਰ ਵਿਚ ਚਾਈਲਡ ਕੇਅਰ ਫੀਸ ਨੂੰ ਅਫੋਰਡੇਬਲ ਬਣਾਉਣ ਲਈ ਪੰਜ ਸਾਲਾਂ ਦੌਰਾਨ $30 ਬਿਲੀਅਨ ਖਰਚ ਕੀਤੇ ਜਾਣਗੇ।

ਫੈਡਰਲ ਸਰਕਾਰ ਦੇ ਇਸ ਕਦਮ ਨਾਲ ਸੂਬਾ ਸਰਕਾਰਾਂ ਨੇ ਪਬਲਿਕ ਅਤੇ ਗੈਰ-ਮੁਨਾਫ਼ਾ ਬਾਲ-ਸੰਭਾਲ ਕੇਂਦਰ ਫੀਸ ਵਿਚ ਘੱਟੋ-ਘੱਟ 50 ਫੀਸਦੀ ਕਟੌਤੀ ਕੀਤੀ ਹੈ।