19.59C Vancouver 19.59C VancouverAug 12, 2025 4:13 PM - The Canadian Press
ਕੈਨੇਡੀਅਨ ਕੈਨੋਲਾ ਇੰਪੋਰਟ 'ਤੇ ਚੀਨ ਨੇ ਐਂਟੀ ਡਪਿੰਗ ਡਿਊਟੀ ਲਗਾ ਦਿੱਤੀ ਹੈ। ਇਹ ਪਿਛਲੇ ਅਗਸਤ ਵਿਚ ਔਟਵਾ ਵੱਲੋਂ ਚੀਨੀ ਇਲੈਕਟ੍ਰਿਕ ਵਾਹਨਾਂ ਦੀ ਦਰਾਮਦ 'ਤੇ ਟੈਰਿਫ ਲਗਾਉਣ ਨਾਲ ਸ਼ੁਰੂ ਹੋਏ ਵਪਾਰਕ ਵਿਵਾਦ ਵਿਚ ਤਾਜ਼ਾ ਵਾਧਾ ਹੈ। ਚੀਨ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਵੀਰਵਾਰ ਤੋਂ ਕੈਨੇਡੀਅਨ ਕੈਨੋਲਾ 'ਤੇ 75.8 ਫੀਸਦੀ ਐਂਟੀ ਡਪਿੰਗ ਡਿਊਟੀ ਲਗਾਈ ਜਾਵੇਗੀ।
ਚੀਨ ਦੁਨੀਆ ਦਾ ਸਭ ਤੋਂ ਵੱਡਾ ਕੈਨੋਲਾ ਇੰਪੋਟਰ ਹੈ ਅਤੇ ਇਸ ਦੀ ਲਗਭਗ ਸਾਰੀ ਸਪਲਾਈ ਕੈਨੇਡਾ ਤੋਂ ਪ੍ਰਾਪਤ ਕਰਦਾ ਹੈ। ਬੀਜਿੰਗ ਦੇ ਇਸ ਕਦਮ ਨੂੰ ਕੈਨੇਡਾ ਦੇ ਕਿਸਾਨਾਂ ਲਈ ਨੁਕਸਾਨ ਮੰਨਿਆ ਜਾ ਰਿਹਾ ਹੈ।
ਸਿੰਗਾਪੁਰ ਬੇਸਡ ਇੱਕ ਆਇਲਸੀਡ ਟ੍ਰੇਡਰ ਨੇ ਕਿਹਾ ਕਿ ਚੀਨ ਵਲੋਂ ਲਗਾਈ ਗਈ ਇਹ ਐਂਟੀ ਡਪਿੰਗ ਡਿਊਟੀ ਬਹੁਤ ਜ਼ਿਆਦਾ ਹੈ, ਉਨ੍ਹਾਂ ਕਿਹਾ ਕਿ ਕੈਨੇਡੀਅਨ ਕੈਨੋਲਾ ਚੀਨ ਵਿਚ ਇੰਪੋਰਟ ਕਰਨ ਲਈ 75 ਫੀਸਦੀ ਚਾਰਜ ਕੌਣ ਦੇਵੇਗਾ, ਉਨ੍ਹਾਂ ਕਿਹਾ ਕਿ ਇਹ ਕੈਨੇਡਾ ਨੂੰ ਇਹ ਕਹਿਣ ਵਾਂਗ ਹੈ ਕਿ ਸਾਨੂੰ ਤੁਹਾਡੇ ਕੈਨੋਲਾ ਦੀ ਲੋੜ ਨਹੀਂ ਹੈ।
ਗੌਰਤਲਬ ਹੈ ਕਿ 2023 ਵਿਚ ਚੀਨ ਨੂੰ ਕੈਨੇਡੀਅਨ ਕੈਨੋਲਾ ਐਕਸਪੋਰਟ ਕੁੱਲ $5 ਬਿਲੀਅਨ ਦਾ ਸੀ, ਇਹ ਐਂਟੀ ਡਪਿੰਗ ਜਾਂਚ ਸ਼ੁਰੂ ਹੋਣ ਤੋਂ ਪਹਿਲਾਂ ਦਾ ਆਖਰੀ ਪੂਰਾ ਸਾਲ ਸੀ।
