8.56C Vancouver 8.56C VancouverJan 30, 2020 8:31 PM -
ਵੁਹਾਨ ਕੋਰੋਨਾ ਵਾਇਰਸ ਨੂੰ ਲੈਕੇ, ਚੀਨ 'ਚ ਖਰੇ ਨਾਲ ਜੁੜੇ ਫਿਕਰ 'ਚ ਵਾਧਾ ਹੁੰਦਾ ਜਾ ਰਿਹਾ ਹੈ।
ਤਾਜ਼ਾ ਜਾਣਕਾਰੀ ਅਨੁਸਾਰ ਇਸ ਬਿਮਾਰੀ ਕਾਰਨ ਹੁਣ ਤਕ ਜਾਨ ਗਵਾਉਣ ਵਾਲਿਆਂ ਦਾ ਅੰਕੜਾ, 170 ਤਕ ਪਹੁੰਚ ਗਿਆ ਹੈ।
ਇਸ ਨਾਲ ਪੀੜਤ ਲੋਕਾਂ ਦੀ ਗਿਣਤੀ 7,700 ਤਕ ਪਹੁੰਚ ਗਈ ਹੈ।
ਯਾਦ ਰਹੇ ਅਜੇ ਸਿਰਫ ਇੱਕ ਦਿਨ ਪਹਿਲਾਂ ਜਾਰੀ ਕੀਤੇ ਗਏ ਅੰਕੜਿਆਂ 'ਚ ਇਸ ਬਿਮਾਰੀ ਨਾਲ ਪ੍ਰਭਾਵਿਤ ਲੋਕਾਂ ਦੀ ਗਿਣਤੀ 6,000 ਦਸੈ ਗਈ ਸੀ।
ਇਹ ਗਿਣਤੀ ਹੁਣ ਵਧਕੇ 7,700 ਤਕ ਪਹੁੰਚ ਗਈ ਹੈ। ਮੌਜੂਦਾ ਹਾਲਾਤਾਂ 'ਚ ਚੀਨ 'ਚ ਸਾਲ 2002-2003 ਦੇ ਦੌਰਾਨ ਫੈਲੀ SARS ਮਹਾਮਾਰੀ ਦੀ ਯਾਦ ਤਾਜ਼ੀ ਹੋ ਗਈ ਹੈ।
ਇਸਦੇ ਕਾਰਨ 800 ਲੋਕਾਂ ਦੀ ਜਾਨ ਜਾਂਦੀ ਰਹੀ ਸੀ।
ਅੰਕੜਿਆਂ ਅਨੁਸਾਰ ਉਸ ਮੌਕੇ ਬਿਮਾਰ ਹੋਏ ਲੋਕਾਂ ਨਾਲੋਂ, ਮੌਜੂਦਾ ਸਮੇਂ ਕੋਰੋਨਾਵਾਇਰਸ ਕਾਰਨ ਪ੍ਰਭਾਵਿਤ ਹੋਏ ਲੋਕਾਂ ਦੀ ਗਿਣਤੀ ਵਧੇਰੇ ਹੈ।
