ਕ੍ਰਿਸਟੀਆ ਫ੍ਰੀਲੈਂਡ ਯੂਕਰੇਨ ਦੇ ਰਾਜਦੂਤ ਦੀ ਭੂਮਿਕਾ ਲਈ ਛੱਡੇਗੀ ਕੈਬਨਿਟ: ਰਿਪੋਰਟ

ਕੈਨੇਡਾ ਦੀ ਟਰਾਂਸਪੋਰਟ ਅਤੇ ਅੰਦਰੂਨੀ ਵਪਾਰ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਮੰਤਰੀ ਮੰਡਲ ਛੱਡ ਸਕਦੇ ਹਨ, ਉਨ੍ਹਾਂ ਦੇ ਯੂਕਰੇਨ ਲਈ ਵਿਸ਼ੇਸ਼ ਅੰਤਰਰਾਸ਼ਟਰੀ ਰਾਜਦੂਤ ਵਜੋਂ ਨਵੀਂ ਭੂਮਿਕਾ ਵਿਚ ਆਉਣ ਦੀਆਂ ਰਿਪੋਰਟਸ ਹਨ।

ਜਾਣਕਾਰੀ ਮੁਤਾਬਕ, ਫ੍ਰੀਲੈਂਡ ਨੇ ਸੋਮਵਾਰ ਨੂੰ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅਤੇ ਉਨ੍ਹਾਂ ਦੇ ਚੀਫ ਆਫ ਸਟਾਫ ਮਾਰਕ-ਐਂਡਰੇ ਬਲੈਂਚਰਡ ਨਾਲ ਆਪਣੀਆਂ ਭਵਿੱਖ ਦੀਆਂ ਯੋਜਨਾਵਾਂ ਬਾਰੇ ਚਰਚਾ ਕਰਨ ਲਈ ਵੱਖਰੇ ਤੌਰ 'ਤੇ ਮੁਲਾਕਾਤ ਕੀਤੀ ਹੈ। ਫ੍ਰੀਲੈਂਡ ਜਸਟਿਨ ਟਰੂਡੋ ਦੇ ਸਮੇਂ ਤੋਂ ਮੰਤਰੀ ਹਨ, ਉਸ ਦੌਰਾਨ ਉਨ੍ਹਾਂ ਫਾਈਨਾਂਸ ਅਤੇ ਵਿਦੇਸ਼ੀ ਮਾਮਲਿਆਂ ਦੇ ਮੰਤਰੀ ਵਜੋਂ ਸੇਵਾ ਨਿਭਾਈ ਸੀ।

ਉਨ੍ਹਾਂ ਵਲੋਂ ਆਪਣੀ ਨਵੀਂ ਭੂਮਿਕਾ ਦਾ ਐਲਾਨ ਅੱਜ ਕੀਤਾ ਜਾ ਸਕਦਾ ਹੈ ਅਤੇ ਫਿਲਹਾਲ ਉਹ ਸੰਸਦ ਮੈਂਬਰ ਬਣੇ ਰਹਿਣਗੇ।ਫ੍ਰੀਲੈਂਡ ਦੇ ਟਰਾਂਸਪੋਰਟ ਮੰਤਰਾਲਾ ਦੀ ਜ਼ਿੰਮੇਵਾਰੀ ਸਰਕਾਰੀ ਹਾਊਸ ਲੀਡਰ ਸਟੀਵ ਮੈਕਕਿਨਨ ਨੂੰ ਮਿਲ ਸਕਦੀ ਹੈ ਅਤੇ ਇਨਟਰਨਲ ਟਰੇਡ ਦੀ ਡਿਊਟੀ ਵਪਾਰ ਮੰਤਰੀ ਡੋਮਿਨਿਕ ਲੇਬਲੈਂਕ ਨੂੰ ਸੌਂਪੀ ਜਾ ਸਕਦੀ ਹੈ।