ਸਰੀ 'ਚ ਤਿਆਰੀ ਹੋ ਰਹੀ ਇੱਕ ਨਵੀਂ ਕਬੱਡੀ ਫੈਸਿਲਟੀ, ਮੇਅਰ ਡੱਗ ਮੈਕੱਲਮ ਨੇ ਟੀਮ ਸਮੇਤ ਮਿੱਟੀ ਪੱਟ ਨਿਰਮਾਣ ਅਰੰਭਿਆ

ਸਰੀ ਦੇ ਵਿੱਚ ਇੱਕ ਹੋਰ ਕਬੱਡੀ ਫੈਸਿਲਟੀ ਤਿਆਰ ਹੋਣ ਜਾ ਰਹੀ ਹੈ।

ਇਹ ਕਬੱਡੀ ਗਰਾਊਂਡ ਵੌਲੀ ਇਲਾਕੇ 'ਚ ਬਣਨ ਜਾ ਰਹੇ ਹਨ।

ਇਸ ਸੰਬੰਧੀ ਅੱਜ ਸਿਟੀ ਆਫ ਸਰੀ ਵੱਲੋਂ ਇੱਕ ਇਕੱਤਰਤਾ ਕੀਤੀ ਗਈ ਅਤੇ ਫੈਸਿਲਿਟੀ 'ਤੇ ਕੰਮ ਸ਼ੁਰੂ ਹੋਣ ਸੰਬੰਧੀ ਮਿੱਟੀ ਪੱਟਣ ਦੇ ਕਾਰਜਾਂ ਦੀ ਸ਼ੁਰੂਆਤ ਕੀਤੀ।

ਸਿਟੀ ਆਫ ਸਰੀ ਦਾ ਕਹਿਣਾ ਹੈ ਕਿ ਨੌਰਥ ਸਰੀ ਆਊਟਡੋਰ ਸਪੋਰਟਸ ਕੰਪਲੈਕਸ ਤਿਆਰ ਕੀਤਾ ਜਾ ਰਿਹਾ ਹੈ।

ਇਸ ਜਗ੍ਹਾ 'ਤੇ ਨਾ ਸਿਰਫ ਕੱਬਡੀ ਖੇਡੀ ਜਾ ਸਕੇਗੀ ਬਲਕਿ ਇਸ ਜਗ੍ਹਾ ਦੀ ਵਰਤੋਂ ਕਮਿਊਨਿਟੀ ਈਵੈਂਟਸ ਅਤੇ ਕੌਂਸਰਟਸ ਲਈ ਵੀ ਕੀਤੀ ਜਾ ਸਕੇਗੀ।

ਇਸ ਫੈਸਿਲਟੀ ਦਾ ਬਜਟ ਕਰੀਬ $3.7 ਮਿਲੀਅਨ ਹੈ।

ਇਸ ਫੈਸਿਲਟੀ 'ਚ ਇੱਕ ਗਰਾਸ ਫੀਲਡ, ਬਲੀਚਰਸ ਅਤੇ ਫੀਲਡਹਾਊਸ ਤਿਆਰ ਕੀਤਾ ਜਾਵੇਗਾ।

ਇਹ ਫੈਸਿਲਟੀ 126 ਸਟ੍ਰੀਟ ਅਤੇ 110 ਐਵੀਨਿਊ ਦੇ ਇਲਾਕੇ 'ਚ ਤਿਆਰ ਹੋ ਰਹੀ ਹੈ।

ਇਹ ਫੈਸਿਲਟੀ ਸਕੌਟ ਰੋਡ ਸਕਾਈਟਰੇਨ ਸਟੇਸ਼ਨ ਦੇ ਕਾਫੀ ਨਜਦੀਕ ਹੈ।

ਅੱਜ ਸਵੇਰ ਕਰੀਬ 10.30 ਵਜੇ ਇਸ ਸੰਬੰਧੀ ਵੇਰਵੇ ਸਾਂਝੇ ਕਰਨ ਲਈ ਸਿਟੀ ਆਫ ਸਰੀ ਦੀ ਟੀਮ ਮੌਕੇ 'ਤੇ ਮੌਜੂਦ ਸੀ।

ਅੱਜ ਮੇਅਰ ਡਗ ਮੈਕੱਲਮ ਤੋਂ ਇਲਾਵਾ ਕਾਊਂਸਲਰ ਮਨਦੀਪ ਨਾਗਰਾ, ਕਾਊਂਸਲਰ ਲੌਰੀ ਗੁਐਰਾ, ਕਾਊਂਸਲਰ ਐਲੀਸਨ ਪੈਟਨ ਅਤੇ ਕਾਊਂਸਲਰ ਬ੍ਰੈਂਡਾ ਲੌਕ ਵੀ ਮੌਜੂਦ ਸਨ।

ਮੇਅਰ ਡਗ ਮੈਕੱਲਮ ਨੇ ਕਿਹਾ ਕਿ ਉਨ੍ਹਾਂ ਨੂੰ ਖੁਸ਼ੀ ਹੈ ਕਿ ਨੌਰਥ ਸਰੀ ਆਊਟਡੋਰ ਸਪੋਰਟ ਕੰਪਲੈਕਸ 'ਤੇ ਕੰਮ ਸ਼ੁਰੂ ਕੀਤਾ ਜਾ ਰਿਹਾ ਹੈ।