11.2C Vancouver 11.2C VancouverApr 6, 2021 7:27 PM -
ਅੱਜ ਸਿਟੀ ਆਫ ਸਰੀ ਦੇ ਕਮਿਊਨਿਟੀ ਸੇਫ਼ਟੀ ਸੈਕਸ਼ਨ (Community Safety section) ਵੱਲੋਂ ਇੱਕ ਨਵੀਂ ਵੈਬਸਾਈਟ ਲਾਂਚ ਕੀਤੀ ਗਈ ਹੈ।
ਇਸ ਆਸਰੇ ਮਾਪਿਆਂ, ਕੇਅਰ ਪ੍ਰਦਾਨ ਕਰਨ ਵਾਲਿਆਂ ਅਤੇ ਹੋਰ ਐਡਲਟਸ ਲਈ ਮਦਦ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ ਤਾਂ ਜੋ ਸਰੀ ਦੇ ਬੱਚਿਆਂ ਅਤੇ ਯੁਵਾ ਵਰਗ ਨੂੰ ਗੈਂਗ ਸੰਬੰਧੀ ਗਤੀਵਿਧੀਆਂ ਤੋਂ ਦੂਰ ਰੱਖਣ 'ਚ ਕਾਮਯਾਬੀ ਮਿਲ ਸਕੇ।
ਇਸ ਵੈਬਸਾਈਟ ਨੂੰ ਐਂਪਾਵਰ ਸਰੀ (Empower Surrey) ਦਾ ਨਾਮ ਦਿੱਤਾ ਗਿਆ ਹੈ।
ਇਸ ਆਸਰੇ ਸਰੀ ਐਂਟੀ ਗੈਂਗ ਫੈਮਲੀ ਐਂਪਾਵਰਮੈਂਟ ਪ੍ਰੋਗਰਾਮ (Surrey Anti Gang Family Empowerment program) ਨੂੰ ਵਧੇਰੇ ਕਾਮਯਾਬ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਇਹ ਪ੍ਰੋਗਰਾਮ ਕਰੀਬ 80 ਤੋਂ ਵੱਧ ਭਾਸ਼ਾਵਾਂ 'ਚ ਉਪਲਬਧ ਹੈ।
ਇਸ ਵੈਬਸਾਈਟ ਨੂੰ ਸਰੀ ਦੇ 100 ਤੋਂ ਵੱਧ ਯੁਵਾ ਵਰਗ ਦੇ ਲੋਕਾਂ ਨੇ ਜਾਣਕਾਰੀ ਪ੍ਰਦਾਨ ਕੀਤੀ ਸੀ, ਜਿੰਨਾ ਦੀ ਉਮਰ 14 ਤੋਂ 19 ਸਾਲ ਦੇ ਦਰਮਿਆਨ ਦੀ ਸੀ।
ਇਹਨਾਂ ਕਿਸ਼ੋਰਾਂ ਨੇ ਫੋਕਸ ਗਰੁੱਪਸ, ਸਰਵੇਖਣ ਅਤੇ ਔਨਲਾਈਨ ਬੈਠਕਾਂ ਆਸਰੇ, ਸਕੂਲ, ਘਰ ਅਤੇ ਕਮਿਊਨਿਟੀ 'ਚ ਪੇਸ਼ ਆਉਣ ਵਾਲੀਆਂ ਚੁਣੌਤੀਆਂ ਦੀ ਗੱਲ ਕੀਤੀ ਸੀ।
