13.37C Vancouver 13.37C VancouverMar 23, 2021 3:31 PM -
ਅਮਰੀਕਾ ਵਿਚ ਕੌਲੋਰਾਡੋ ਦੇ ਡੈਨਵਰ ਤੋਂ ਕੁਝ 28 ਕਿਲੋਮੀਟਰ ਦੀ ਦੂਰੀ ਤੇ ਬੋਲਡਰ ਨਾਂ ਦੇ ਸ਼ਹਿਰ ਵਿੱਚ ਇੱਕ ਸੁਪਰ ਮਾਰਕੀਟ ਵਿੱਚ ਸੋਮਵਾਰ ਦੁਪਹਿਰ ਗੋਲੀ ਚੱਲਣ ਦੀ ਇੱਕ ਵਾਰਦਾਤ ਵਿੱਚ ਇੱਕ ਪੁਲਿਸ ਅਫ਼ਸਰ ਸਮੇਤ 10 ਵਿਅਕਤੀ ਮਾਰੇ ਗਏ ਹਨ।
ਅਧਿਕਾਰੀਆਂ ਅਨੁਸਾਰ ਸ਼ੱਕੀ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ ਹੈ।
21 ਸਾਲਾ ਸ਼ੱਕੀ ਫਰਸਟ ਡਿਗਰੀ ਮਰਡਰ ਦੇ 10 ਚਾਰਜਾਂ ਦਾ ਸਾਹਮਣਾ ਕਰ ਰਿਹਾ ਹੈ।
ਇਸ ਘਟਨਾ ਵਿਚ ਮਾਰਿਆ ਗਿਆ ਅਫ਼ਸਰ ਪਹਿਲਾ ਪੁਲਿਸ ਅਧਿਕਾਰੀ ਸੀ ਜੋ ਮੌਕਾ ਏ ਵਾਰਦਾਤ ਤੇ ਪਹੁੰਚਿਆ ਸੀ।
51 ਸਾਲਾ ਐਰਿਕ ਟੈਲੀ 2010 ਤੋਂ ਪੁਲਿਸ ਵਿਭਾਗ ਦਾ ਹਿੱਸਾ ਸੀ।
ਅਧਿਕਾਰੀਆਂ ਅਨੁਸਾਰ ਬਾਕੀ ਮ੍ਰਿਤਕਾਂ ਵਿੱਚ 20 ਤੋਂ 65 ਸਾਲ ਦੀ ਉਮਰ ਦੇ ਔਰਤਾਂ ਅਤੇ ਆਦਮੀ ਸ਼ਾਮਲ ਸਨ।
ਗੋਲੀਬਾਰੀ ਦੀ ਇਹ ਘਟਨਾ ਇਸ ਸਾਲ ਅਮਰੀਕਾ ਵਿੱਚ ਵਾਪਰਨ ਵਾਲੀ ਸੱਤਵੀਂ ਮਾਸ ਸ਼ੂਟਿੰਗ ਹੈ।
