16.5C Vancouver 16.5C VancouverAug 26, 2022 1:23 AM - The Canadian Press
ਨਨਾਈਮੋ 'ਚ ਗੰਭੀਰ ਮਾਨਸਿਕ ਸਿਹਤ ਸੰਬੰਧੀ ਮਸਲਿਆਂ ਨਾਲ ਜੂਝਦੇ ਸਬਸਟੈਂਸ ਯੂਜਰਸ ਵੱਲੋਂ ਇੱਕ ਤਥਾਕਥਿਤ ਕੌਂਪਲੈਕਸ-ਕੇਅਰ ਹਾਊਸਿੰਗ ਤਕ ਪਹੁੰਚ ਕੀਤੀ ਜਾ ਸਕੇਗੀ।
ਮਾਮਲਾ ਇੱਕ ਇਨੀਸ਼ੀਏਟਿਵ ਨਾਲ ਸੰਬੰਧਤ ਹੈ ਜਿਸ ਤਹਿਤ ਐਡਿਕਸ਼ਨ ਸੰਬੰਧੀ ਦਵਾਈ ਪ੍ਰਦਾਨ ਕਰਨਾ, ਸੋਸ਼ਲ ਵਰਕਰ ਅਤੇ ਓਵਰਡੋਜ਼ ਸੰਬੰਧੀ ਸਿੱਖਿਆ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਹੋਵੇਗੀ।
ਸੂਬੇ ਦੀ ਮੈਂਟਲ ਹੈਲਥ ਅਤੇ ਐਡਿਕਸ਼ਨਸ ਮੰਤਰੀ ਸ਼ੀਲਾ ਮੈਲਕਮਸਨ ਨੇ ਇਸ ਪ੍ਰੋਜੈਕਟ ਦਾ ਐਲਾਨ ਕੀਤਾ।
ਇਸ ਐਲਾਨ ਮੌਕੇ ਨਨਾਈਮੋ ਤੋਂ ਮੇਅਰ ਲਿਓਨਾਰਡ ਕਰੋਗ ਵੀ ਮੌਜੂਦ ਸਨ।
ਮੰਤਰੀ ਮੈਲਕਮਸਨ ਦਾ ਕਹਿਣਾ ਸੀ ਕਿ ਇਹ ਸੇਵਾਵਾਂ ਮੌਜੂਦਾ ਸੱਪੋਰਟਿਵ ਹਾਊਸਿੰਗ ਵਿੱਚ ਪ੍ਰਦਾਨ ਕਰਨ ਦਾ ਟੀਚਾ ਹੈ।
ਇਸ ਕੌਂਪਲੈਕਸ ਕੇਅਰ ਹਾਊਸਿੰਗ ਐਪਰੋਚ ਨੂੰ ਇਸੇ ਸਾਲ ਲਾਂਚ ਕੀਤਾ ਗਿਆ ਸੀ ਅਤੇ ਇਸ ਸੰਬੰਧੀ ਸੇਵਾਵਾਂ ਐਬਟਸਫੋਰਡ, ਕੈਮਲੂਪਸ, ਬੈਲਾ-ਕੂਲਾ, ਲੈਂਗਲੀ, ਪੌਵੈਲ ਰਿਵਰ, ਸਰੀ, ਵੈਨਕੂਵਰ ਅਤੇ ਵਿਕਟੋਰੀਆ ਜਿਹੇ ਇਲਾਕਿਆਂ 'ਚ ਵੀ ਐਲਾਨੀਆਂ ਗਈਆਂ ਸਨ।
ਮੰਤਰੀ ਮੈਲਕਮਸਨ ਦਾ ਕਹਿਣਾ ਸੀ ਕਿ ਨਨਾਈਮੋ 'ਚ ਕੌਂਪਲੈਕਸ ਕੇਅਰ ਸਪੇਸਿਸ ਨੂੰ ਸਾਲ 2025 ਤਕ 30 ਲੋਕਾਂ ਤਕ ਦੀ ਗਿਣਤੀ ਤਕ ਵਧਾਉਣ ਦੀ ਕੋਸ਼ਿਸ਼ ਹੈ।
