13.62C Vancouver 13.62C VancouverAug 9, 2022 7:26 PM - Connect News
ਰਿਚਮੰਡ 'ਚ 2 ਸੀਨੀਅਰ ਲੋਕਾਂ 'ਤੇ ਕੀਤੇ ਗਏ ਹਮਲੇ ਦੇ ਮਾਮਲੇ 'ਚ ਇੱਕ ਸ਼ੱਕੀ ਦਾ ਸਕੈਚ ਜਾਰੀ ਕੀਤਾ ਗਿਆ ਹੈ।
ਘਟਨਾ 24 ਜੁਲਾਈ ਨੂੰ ਵਾਪਰੀ ਸੀ।
ਇੱਕ ਜੋੜਾ ਰਾਤ ਕਰੀਬ 11 ਵਜੇ ਗੋਲਨਰ ਐਵੀਨਿਊ ਦੇ 7000 ਬਲੌਕ 'ਚ ਸਥਿਤ ਆਪਣੇ ਘਰ 'ਚ ਮੌਜੂਦ ਸੀ।
ਇਸੇ ਦੌਰਾਨ ਇੱਕ ਵਿਅਕਤੀ ਨੇ ਬ੍ਰੇਕ ਐਂਡ ਐਂਟਰ ਦੀ ਕੋਸ਼ਿਸ਼ ਕੀਤੀ ਸੀ ਅਤੇ ਘਰ 'ਚ ਮੌਜੂਦ ਆਦਮੀ ਅਤੇ ਔਰਤ 'ਤੇ ਹਮਲਾ ਕੀਤਾ ਸੀ।
ਦੋਵਾਂ ਪੀੜਤਾਂ ਦੀ ਉਮਰ 60 ਸਾਲ ਤੋਂ ਵਧੇਰੇ ਸੀ ਅਤੇ ਦੋਵਾਂ ਨੂੰ ਲੱਗੀਆਂ ਸੱਟਾਂ ਕਾਰਨ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਮਾਮਲੇ 'ਚ ਜਨਰਲ ਇਨਵੈਸਟੀਗੇਸ਼ਨਸ ਸੈਕਸ਼ਨ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।
ਸ਼ੱਕੀ ਦਾ ਫੌਰੈਂਸਿਕ ਸਕੈਚ ਤਿਆਰ ਕਰ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
ਸ਼ੱਕੀ ਨੂੰ ਕੌਕੇਸ਼ੀਅਨ ਮੂਲ ਦਾ 20 ਤੋਂ 30 ਸਾਲ ਦੇ ਦਰਮਿਆਨ ਦਾ ਯੁਵਕ ਦੱਸਿਆ ਗਿਆ ਹੈ।
ਉਸ ਦਾ ਕੱਦ ਕਰੀਬ 5'10" ਅਤੇ ਸ਼ਰੀਰਕ ਬਣਤਰ ਪਤਲੀ ਅਤੇ ਵਾਲ ਭੂਰੇ ਘੁੰਗਰਾਲੇ ਦੱਸੇ ਗਏ ਹਨ।
ਉਸ ਦੀ ਸੱਜੀ ਬਾਂਹ 'ਤੇ ਨੀਲੇ ਅਤੇ ਹਰੇ ਰੰਗ ਦਾ ਫੁੱਲ ਦਾ ਟੈਟੂ ਬਣਿਆ ਹੈ।
