30.09C Vancouver 30.09C VancouverJun 9, 2021 5:30 PM -
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਕੈਨੇਡਾ ਕੋਲ ਮੌਡਰਨਾ ਵੈਕਸੀਨ ਦੀਆਂ 7 ਮਿਲੀਅਨ ਵੈਕਸੀਨ ਖੁਰਾਕਾਂ ਪਹੁੰਚ ਰਹੀਆਂ ਹਨ।
ਇਹ ਖੁਰਾਕਾਂ ਜੂਨ ਦੇ ਅੰਤ ਤਕ ਹੀ ਕੈਨੇਡਾ ਪਹੁੰਚ ਜਾਣਗੀਆਂ।
ਪ੍ਰੋਕਿਓਰਮੈਂਟ ਮੰਤਰੀ ਅਨੀਤਾ ਅਨੰਦ ਨੇ ਅੱਜ ਇੱਕ ਨਿਊਜ਼ ਕਾਨਫਰੰਸ ਦੌਰਾਨ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ।
ਉਨ੍ਹਾਂ ਦੱਸਿਆ ਕਿ ਇਸ ਦੇ ਨਾਲ ਹੁਣ ਜੁਲਾਈ ਦੇ ਅੰਤ ਤਕ ਕੈਨੇਡਾ ਕੋਲ ਕੋਵਿਡ-19 ਵੈਕਸੀਨ ਦੀਆਂ 55 ਮਿਲੀਅਨ ਖੁਰਾਕਾਂ ਪਹੁੰਚ ਜਾਣਗੀਆਂ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਾਲ ਕੈਨੇਡਾ ਕੋਲ ਇੰਨੀ ਗਿਣਤੀ 'ਚ ਵੈਕਸੀਨ ਉਪਲਬਧ ਹੋਣ ਵਾਲੀ ਹੈ ਜਿਸ ਨਾਲ 80% ਕਨੇਡੀਅਨ ਲੋਕਾਂ ਨੂੰ ਪੂਰੀ ਤਰ੍ਹਾਂ ਵੈਕਸੀਨੇਟ ਕੀਤਾ ਜਾ ਸਕੇਗਾ।
ਕੈਨੇਡਾ ਪਹੁੰਚ ਰਹੀਆਂ 55 ਮਿਲੀਅਨ ਵੈਕਸੀਨ ਖੁਰਾਕਾਂ 'ਚ ਕਰੀਬ 70% ਫਾਈਜ਼ਰ-ਬਾਇਓਐਨਟੈਕ ਦੀਆਂ ਹਨ।
ਹਾਲ ਦੀ ਘੜੀ ਕੈਨੇਡਾ 'ਚ 23.8 ਮਿਲੀਅਨ ਲੋਕਾਂ ਨੂੰ ਵੈਕਸੀਨ ਦੀ ਇੱਕ ਖੁਰਾਕ ਅਤੇ 3.3 ਮਿਲੀਅਨ ਲੋਕਾਂ ਨੂੰ ਵੈਕਸੀਨ ਦੀਆਂ ਦੋਵੇਂ ਖੁਰਾਕਾਂ ਹਾਸਿਲ ਹੋਈਆਂ ਹਨ।
