15.25C Vancouver 15.25C VancouverAug 12, 2021 7:23 PM -
ਵੈਨਕੂਵਰ 'ਚ ਸਟੈਨਲੀ ਪਾਰਕ ਵਿੱਚ ਕੰਜ਼ਰਵੇਸ਼ਨ ਅਫ਼ਸਰਾਂ ਵੱਲੋਂ ਇੱਕ ਕਾਇਓਟੇ ਦੀ ਭਾਲ ਕੀਤੀ ਜਾ ਰਹੀ ਹੈ।
ਇੱਕ ਛੋਟੇ ਬੱਚੇ 'ਤੇ ਕਾਇਓਟੇ ਦੇ ਹਮਲੇ ਤੋਂ ਬਾਅਦ ਇਹ ਭਾਲ ਅਰੰਭੀ ਗਈ ਹੈ।
ਵੈਨਕੂਵਰ ਦੇ ਸਟੈਨਲੀ ਪਾਰਕ 'ਚ ਇੱਕ ਕਾਇਓਟੀ ਨੇ ਇੱਕ 5 ਸਾਲਾ ਬੱਚੇ ਨੂੰ ਜਖਮੀ ਕਰ ਦਿੱਤਾ ਜਿਸ ਤੋਂ ਬਾਅਦ ਬੱਚੇ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਘਟਨਾ ਮੰਗਲਵਾਰ ਰਾਤ ਵਾਪਰੀ ਸੀ।
ਬੀ.ਸੀ. ਕੰਜ਼ਰਵੇਸ਼ਨ ਆਫਿਸਰ ਸਰਵਿਸ ਦਾ ਕਹਿਣਾ ਸੀ ਕਿ ਪੀੜਤ ਲੜਕਾ ਆਪਣੇ ਪਰਿਵਾਰ ਦੇ ਨਾਲ ਪ੍ਰੌਸਪੈਕਟ ਪਾਇੰਟ 'ਤੇ ਸੀ।
ਏਜੈਂਸੀ ਨੇ ਦੱਸਿਆ ਕਿ ਬੱਚਾ ਆਪਣੇ ਪਰਿਵਾਰ ਤੋਂ ਕੁਝ ਦੂਰੀ 'ਤੇ ਅੱਗੇ ਭੱਜ ਰਿਹਾ ਸੀ ਜਦ ਅਚਾਨਕ ਇੱਕ ਕਾਇਓਟੀ ਨੇ ਉਸ 'ਤੇ ਛਾਲ ਮਾਰ ਦਿੱਤੀ ਅਤੇ ਲੱਤ 'ਤੇ ਵੱਢ ਲਿਆ।
ਪਰਿਵਾਰ ਦੇ ਮੈਂਬਰਾਂ ਨੇ ਜਾਨਵਰ ਨੂੰ ਭਜਾਇਆ ਅਤੇ ਬੱਚੇ ਨੂੰ ਹਸਪਤਾਲ ਪਹੁੰਚਾਇਆ।
ਯਾਦ ਰਹੇ ਇਸ ਇਲਾਕੇ 'ਚ ਬੀਤੇ ਕੁਝ ਸਮੇਂ 'ਚ ਕਾਇਓਟੀ ਹਮਲਿਆਂ ਦੀਆਂ ਘਟਨਾਵਾਂ ਆਮ ਹੋ ਗਈਆਂ ਹਨ।
