ਪੋਡਕਾਸਟ ਵਿਚ ਆਰ.ਸੀ.ਐਮ.ਪੀ. ਮੁਖੀ 'ਤੇ ਕੀਤੀ ਟਿੱਪਣੀ ਨੂੰ ਲੈ ਕੇ ਵਿਵਾਦ 'ਚ ਘਿਰੇ ਪੀਅਰ ਪੌਲੀਐਵ

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਇੱਕ ਪੋਡਕਾਸਟ ਵਿਚ ਆਰ.ਸੀ.ਐਮ.ਪੀ. ਮੁਖੀ 'ਤੇ ਕੀਤੀ ਟਿੱਪਣੀ ਨੂੰ ਲੈ ਕੇ ਵਿਵਾਦ ਵਿਚ ਘਿਰੇ ਹੋਏ ਹਨ। ਲਿਬਰਲਜ਼, ਗ੍ਰੀਨਜ਼ ਅਤੇ ਐਨਡੀਪੀ ਨੇ ਉਨ੍ਹਾਂ ਨੂੰ ਮਾਫੀ ਮੰਗਣ ਲਈ ਕਿਹਾ ਹੈ, ਉਥੇ ਹੀ ਕੁਝ ਕੰਜ਼ਰਵੇਟਿਵ ਐਮਪੀ ਨੇ ਪੌਲੀਐਵ ਦੀ ਲੀਡਰਸ਼ਿਪ 'ਤੇ ਸ਼ੰਕਾ ਜ਼ਾਹਰ ਕੀਤੀ ਹੈ, ਰਿਪੋਰਟਸ ਮੁਤਾਬਕ ਪੰਜ ਕੰਜ਼ਰਵੇਟਿਵ ਕਾਕਸ ਮੈਂਬਰਾਂ ਨੇ ਕਿਹਾ ਕਿ ਪੌਲੀਐਵ ਇੱਕ ਪ੍ਰਧਾਨ ਮੰਤਰੀ ਦੀ ਤਰ੍ਹਾਂ ਆਪਣਾ ਅਕਸ ਪੇਸ਼ ਨਹੀਂ ਕਰ ਰਹੇ।

ਹਾਲਾਂਕਿ, ਸੂਤਰਾਂ ਦੱਸਦੇ ਹਨ ਕਿ ਆਲੋਚਨਾ ਦੇ ਬਾਵਜੂਦ ਪੌਲੀਐਵ ਨੂੰ ਅਜੇ ਵੀ ਪਾਰਟੀ ਦੇ ਅੰਦਰ ਮਜ਼ਬੂਤ ​​ਸਮਰਥਨ ਪ੍ਰਾਪਤ ਹੈ। ਹਾਲ ਹੀ ਵਿਚ ਉਨ੍ਹਾਂ ਇੱਕ ਯੂ-ਟਿਊਬ ਚੈਨਲ ਨਾਲ ਗੱਲਬਾਤ ਦੌਰਾਨ ਆਰ.ਸੀ.ਐਮ.ਪੀ. 'ਤੇ ਸਾਬਕਾ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਅਪਰਾਧਿਕ ਦੋਸ਼ਾਂ ਤੋਂ ਬਚਾਉਣ ਲਈ ਮਾਮਲੇ 'ਤੇ ਪਰਦਾ ਪਾਉਣ ਦਾ ਦੋਸ਼ ਲਗਾਇਆ ਸੀ।

ਬੀਤੇ ਕੱਲ੍ਹ ਲਿਬਰਲ ਹਾਊਸ ਲੀਡਰ ਨੇ ਪ੍ਰਸ਼ਨ ਕਾਲ ਦੌਰਾਨ ਪੌਲੀਐਵ 'ਤੇ ਆਰ.ਸੀ.ਐਮ.ਪੀ. ਬਾਰੇ ਆਪਣੀਆਂ ਟਿੱਪਣੀਆਂ ਲਈ ਮੁਆਫੀ ਮੰਗਣ ਲਈ ਦਬਾਅ ਪਾਇਆ, ਪੌਲੀਐਵ ਨੇ ਪ੍ਰਸ਼ਨ ਕਾਲ ਵਿਚ ਮੁਆਫੀ ਨਹੀਂ ਮੰਗੀ ਪਰ ਬਾਅਦ ਵਿਚ ਇੱਕ ਬਿਆਨ ਜਾਰੀ ਕੀਤਾ, ਜਿਸ ਵਿਚ ਸਪੱਸ਼ਟ ਕੀਤਾ ਕਿ ਉਨ੍ਹਾਂ ਦੀਆਂ ਟਿੱਪਣੀਆਂ ਮੌਜੂਦਾ ਆਰ.ਸੀ.ਐਮ.ਪੀ. ਮੁਖੀ ਲਈ ਨਹੀਂ, ਬਲਕਿ ਸਾਬਕਾ ਕਮਿਸ਼ਨਰ ਬ੍ਰੈਂਡਾ ਲੂਕੀ ਬਾਰੇ ਸਨ।