15.62C Vancouver 15.62C VancouverJan 25, 2022 9:33 PM - The Canadian Press
ਔਟਵਾ ਵੱਲ ਵਧ ਰਹੇ ਵੈਕਸੀਨ ਮੈਂਡੇਟ ਦਾ ਵਿਰੋਧ ਕਰ ਰਹੇ ਟਰੱਕ ਚਾਲਕਾਂ ਦਾ ਕਾਫਿਲਾ ਅੱਜ ਵਿਨੀਪੈਗ ਪਹੁੰਚ ਰਿਹਾ ਹੈ।
ਬੀਤੀ ਰਾਤ ਸਸਕੈਚਵਿਨ 'ਚ ਕਰੀਬ 1,200 ਟਰੱਕਰਸ ਦਾ ਇਹ ਕਾਫਿਲਾ ਰੁਕਿਆ ਸੀ।
ਪੱਛਮੀ ਕੈਨੇਡਾ ਅਤੇ ਸਸਕਾਤੂਨ ਤੋਂ ਤੁਰੇ ਟਰੱਕਰਸ ਬੀਤੀ ਰਾਤ ਬੈਲਗਨੀ ਪਹੁੰਚੇ ਸਨ।
ਇਸ ਕਾਫਿਲੇ ਦਾ ਕੰਜ਼ਰਵੇਟਿਵ ਮੈਂਬਰ ਪਾਰਲੀਅਮੈਂਟ ਐਂਡਰਿਊ ਸ਼ੀਅਰ ਅਤੇ ਵਾਰਨ ਸਟੈਨਲੀ ਵੱਲੋਂ ਸਵਾਗਤ ਕੀਤਾ ਗਿਆ ਸੀ।
ਇਨ੍ਹਾਂ ਚਾਲਕਾਂ ਵੱਲੋਂ ਉਨ੍ਹਾਂ ਮੈਂਡੇਟਸ ਦਾ ਵਿਰੋਧ ਕੀਤਾ ਜਾ ਰਿਹਾ ਹੈ ਜਿਸ ਤਹਿਤ ਅਨਵੈਕਸੀਨੇਟਿਡ ਟਰੱਕ ਚਾਲਕਾਂ ਨੂੰ ਅਮਰੀਕਾ ਤੋਂ ਕੈਨੇਡਾ ਪਰਤਦੇ ਹੋਏ ਕੁਆਰੰਟੀਨ ਕਰਨਾ ਪਵੇਗਾ।
ਹਾਲਾਂਕਿ ਬੀਤੇ ਕੱਲ ਇਸੇ ਟਰੱਕਾਂ ਦੇ ਪ੍ਰਦਰਸ਼ਨ ਸੰਬੰਧੀ ਜਦ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੂੰ ਸਵਾਲ ਕੀਤੇ ਗਏ ਤਾਂ ਉਨ੍ਹਾਂ ਜਵਾਬ ਨਹੀਂ ਦਿੱਤਾ ਕਿ ਉਹ ਔਟਵਾ ਪਹੁੰਚ ਰਹੇ ਮੈਂਡੇਟਸ ਦੇ ਵਿਰੁੱਧ ਪ੍ਰਦਰਸ਼ਨ ਕਰਦੇ ਟਰੱਕ ਚਾਲਕਾਂ ਨੂੰ ਮਿਲਣਗੇ ਜਾਂ ਨਹੀਂ।
ਉਨ੍ਹਾਂ ਇਹ ਵੀ ਨਹੀਂ ਦੱਸਿਆ ਸੀ ਕਿ ਉਹ ਇਸ ਪ੍ਰਦਰਸ਼ਨ ਦੇ ਹੱਕ 'ਚ ਹਨ ਜਾਂ ਨਹੀਂ।
