25.78C Vancouver 25.78C VancouverJun 7, 2021 9:34 PM -
ਕੰਜ਼ਰਵੇਟਿਵ ਪਾਰਟੀ ਨੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਉਨ੍ਹਾਂ ਦੇ ਸਾਥੀਆਂ 'ਤੇ ਖਾਸ ਟ੍ਰੀਟਮੈਂਟ ਦੇ ਇਲਜ਼ਾਮ ਲਗਾਏ ਹਨ।
ਕੰਜ਼ਰਵੇਟਿਵਸ ਦਾ ਕਹਿਣਾ ਹੈ ਕਿ ਇੱਕ ਡੈਜ਼ੀਗਨੇਟਿਡ ਕੁਆਰੰਟੀਨ ਹੋਟਲ 'ਚ ਰਹਿਣ ਦੀ ਜਗ੍ਹਾ ਟਰੂਡੋ ਨੂੰ ਯੂ.ਕੇ. ਤੋਂ ਵਾਪਸੀ ਤੋਂ ਬਾਅਦ ਔਟਵਾ 'ਚ ਇੱਕ ਵੱਖਰੇ ਹੋਟਲ 'ਚ ਰੱਖਿਆ ਜਾਵੇਗਾ।
ਪਾਰਟੀ ਦਾ ਕਹਿਣਾ ਹੈ ਕਿ ਟਰੂਡੋ ਅਤੇ ਉਨ੍ਹਾਂ ਦੇ ਸਾਥੀਆਂ ਨੂੰ ਵੀ ਆਮ ਲੋਕਾਂ ਦੀ ਤਰ੍ਹਾਂ ਉਨ੍ਹਾਂ ਹੀ ਸਰਕਾਰੀ ਮਾਨਤਾ ਵਾਲੇ ਹੋਟਲਾਂ 'ਚ ਠਿਹਰਾਇਆ ਜਾਣਾ ਚਾਹੀਦਾ ਹੈ ਜਿੱਥੇ ਬਾਕੀ ਲੋਕ ਯਾਤਰਾ ਕਰਨ ਤੋਂ ਬਾਅਦ 3 ਦਿਨ ਲਈ ਕੁਆਰੰਟੀਨ ਕਰਦੇ ਹਨ।
ਯਾਦ ਰਹੇ ਟਰੂਡੋ ਨੇ ਇਸੇ ਹਫ਼ਤੇ ਇੰਗਲੈਂਡ ਦੀ ਯਾਤਰਾ ਕਰਨੀ ਹੈ ਜਿੱਥੇ ਕੌਰਨਵਾਲ 'ਚ ਜੀ-7 ਲੀਡਰਾਂ ਦੀ ਬੈਠਕ ਹੋਣੀ ਹੈ।
ਪਬਲਿਕ ਹੈਲਥ ਏਜੈਂਸੀ ਆਫ ਕੈਨੇਡਾ ਦਾ ਕਹਿਣਾ ਹੈ ਕਿ ਇਸ ਫੈਸਲੇ ਪਿੱਛੇ ਸਿਕਿਉਰਿਟੀ ਜਾਂ ਹੋਰ ਪ੍ਰਕਾਰ ਦੇ ਕਾਰਨ ਹੋ ਸਕਦੇ ਹਨ।
