ਕੰਜ਼ਰਵੇਟਿਵਸ ਨੇ ਇਲੈਕਸ਼ਨਸ ਕੈਨੇਡਾ ਨੂੰ ਕੀਤੀ ਜਾਂਚ ਦੀ ਅਪੀਲ; ਕ੍ਰਿਸਟੀਆ ਫ੍ਰੀਲੈਂਡ ਦੇ ਟਵੀਟ ਨੂੰ ਟਵਿਟਰ ਨੇ 'ਮੈਨੀਪੁਲੇਟਿਡ ਮੀਡੀਆ' ਦੱਸਿਆ

ਕੰਜ਼ਰਵੇਟਿਵਸ ਵੱਲੋਂ ਇਲੈਕਸ਼ਨਸ ਕੈਨੇਡਾ ਨੂੰ ਜਾਂਚ ਦੀ ਅਪੀਲ ਕੀਤੀ ਜਾ ਰਹੀ ਹੈ ਅਤੇ ਲਿਬਰਲ ਕ੍ਰਿਸਟੀਆ ਫ੍ਰੀਲੈਂਡ ਦੇ ਇੱਕ ਟਵੀਟ 'ਤੇ ਕਾਰਵਾਈ ਦੀ ਮੰਗ ਕੀਤੀ ਗਈ ਹੈ।

ਇਸ ਟਵੀਟ ਨੂੰ ਟਵਿਟਰ ਨੇ ਵੀ ਮੈਨੀਪੁਲੇਟਿਡ ਮੀਡੀਆ ਵਜੋਂ ਲੇਬਲ ਕਰ ਦਿੱਤਾ ਹੈ।

ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਲਿਬਰਲਸ 'ਤੇ ਇਲਜ਼ਾਮ ਲਗਾਇਆ ਕਿ ਉਹ ਅਮਰੀਕੀ ਰਾਜਨੀਤੀ ਦੀ ਨਕਲ ਕਰ ਰਹੇ ਹਨ ਅਤੇ ਕਨੇਡੀਅਨ ਲੋਕਾਂ 'ਚ ਪਾੜਾ ਪਾ ਰਹੇ ਹਨ।

ਫ੍ਰੀਲੈਂਡ ਨੇ ਓ'ਟੂਲ ਦੇ ਕੁਝ ਕਲਿਪਸ ਨੂੰ ਜੋੜ ਕੇ ਇੱਕ ਵੀਡੀਓ ਸਾਂਝਾ ਕੀਤਾ ਸੀ ਜਿਸ 'ਚ ਉਹ ਯੂਨੀਵਰਸਲ ਹੈਲਥ ਕਵਰੇਜ 'ਤੇ ਪ੍ਰਾਈਵੇਟ ਅਤੇ ਫਾਰ-ਪ੍ਰੌਫਿਟ ਆਪਸ਼ਨਸ ਦੀ ਗੱਲ ਕਰ ਰਹੇ ਸਨ।

ਕੰਜ਼ਰਵੇਟਿਵਸ ਦਾ ਕਹਿਣਾ ਹੈ ਕਿ ਲਿਬਰਲਸ ਨੇ ਜਾਣਬੁੱਝ ਕੇ ਅਸਲ ਵੀਡੀਓ ਨੂੰ ਆਲਟਰ ਕੀਤਾ ਅਤੇ ਪਾਰਟੀ ਦੀ ਪੋਜ਼ੀਸ਼ਨ ਨੂੰ ਗਲਤ ਤਰੀਕੇ ਨਾਲ ਪੇਸ਼ ਕਰਨ ਦੀ ਕੋਸ਼ਿਸ਼ ਕੀਤੀ।