ਫੈਡਰਲ ਇਲੈਕਟ੍ਰਿਕ ਵਾਹਨ ਮੈਂਡੇਟਸ ਖਿਲਾਫ ਕੰਜ਼ਰਵੇਟਿਵਸ ਪਲੈਨ ਕਰ ਰਹੇ ਰਾਸ਼ਟਰੀ ਮੁਹਿੰਮ

ਕੰਜ਼ਰਵੇਟਿਵ ਪਾਰਟੀ ਦੇ ਲੀਡਰ ਪੀਅਰ ਪੌਲੀਐਵ ਨੇ ਲਿਬਰਲ ਸਰਕਾਰ ਦੇ ਇਲੈਕਟ੍ਰਿਕ ਵਾਹਨ ਦੇ ਆਦੇਸ਼ ਖਿਲਾਫ ਰਾਸ਼ਟਰੀ ਮੁਹਿੰਮ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ।

ਇਸ ਪਾਲਿਸੀ ਵਿਚ ਅਗਲੇ ਸਾਲ ਤੋਂ ਕੈਨੇਡਾ ਵਿਚ ਵੇਚੇ ਜਾਣ ਵਾਲੇ ਸਾਰੇ ਹਲਕੇ ਡਿਊਟੀ ਵਾਲੇ ਵਾਹਨਾਂ ਵਿਚੋਂ 20 ਫੀਸਦੀ ਦਾ ਇਲੈਕਟ੍ਰਿਕ ਜਾਂ ਪਲੱਗ-ਇਨ ਹਾਈਬ੍ਰਿਡ ਇਲੈਕਟ੍ਰਿਕ ਹੋਣਾ ਲਾਜ਼ਮੀ ਕੀਤਾ ਗਿਆ ਹੈ ਅਤੇ 2035 ਤੱਕ ਸਾਰੇ ਨਵੇਂ ਬਣਨ ਵਾਲੇ ਵਾਹਨਾਂ ਦਾ 100 ਫੀਸਦੀ ਜ਼ੀਰੋ-emission ਹੋਣਾ ਜ਼ਰੂਰੀ ਹੋਵੇਗਾ। ਜਿਹੜੇ ਨਿਰਮਾਤਾ ਟੀਚੇ ਨੂੰ ਪੂਰਾ ਨਹੀਂ ਕਰਨਗੇ ਉਨ੍ਹਾਂ 'ਤੇ $20,000 ਜੁਰਮਾਨਾ ਲਗਾਇਆ ਜਾ ਸਕਦਾ ਹੈ, ਇਸ ਨੂੰ ਪੌਲੀਐਵ ਨੇ ਕਾਰਨੀ ਟੈਕਸ ਕਰਾਰ ਦਿੱਤਾ ਹੈ।

ਕਾਰ ਇੰਡਸਟਰੀ ਦਾ ਕਹਿਣਾ ਹੈ ਕਿ ਅਮਰੀਕੀ ਟੈਰਿਫ ਅਤੇ ਸਰਕਾਰੀ ਸਬਸਿਡੀ ਦੀ ਸਮਾਪਤੀ ਕਾਰਨ ਅਗਲੇ ਸਾਲ 20 ਫੀਸਦੀ ਦੇ ਬੈਂਚਮਾਰਕ ਟੀਚੇ ਨੂੰ ਪ੍ਰਾਪਤ ਕਰਨਾ ਸੰਭਵ ਨਹੀਂ ਹੋਵੇਗਾ। ਪੌਲੀਐਵ ਨੇ ਕਿਹਾ ਕਿ ਉਹ ਇਸ ਆਦੇਸ਼ ਨੂੰ ਹਟਾਉਣ ਲਈ ਸੰਸਦ ਤੱਕ ਲੜਾਈ ਲੜਨਗੇ।