ਕੰਜ਼ਰਵੇਟਿਵ ਇਸ ਫਾਲ 'ਚ ਬੇਲ ਰੀਫੋਮ 'ਤੇ ਆਪਣਾ ਬਿੱਲ ਪੇਸ਼ ਕਰਨ ਦੀ ਬਣਾ ਰਹੇ ਯੋਜਨਾ

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਵੀਰਵਾਰ ਨੂੰ ਕਿਹਾ ਕਿ ਉਨ੍ਹਾਂ ਦੀ ਪਾਰਟੀ ਇਸ ਫਾਲ ਵਿਚ ਬੇਲ ਰੀਫੋਮ ਸਬੰਧੀ ਆਪਣਾ ਬਿੱਲ ਪੇਸ਼ ਕਰੇਗੀ, ਜੋ ਗੰਭੀਰ ਅਪਰਾਧਾਂ ਦੇ ਦੋਸ਼ੀ ਲੋਕਾਂ ਲਈ ਜ਼ਮਾਨਤ ਪ੍ਰਾਪਤ ਕਰਨਾ ਮੁਸ਼ਕਲ ਬਣਾ ਦੇਵੇਗਾ।

ਓਨਟਾਰੀਓ ਦੇ ਵੁੱਡਬ੍ਰਿਜ ਵਿਚ ਇਸ ਬਾਰੇ ਐਲਾਨ ਕਰਦੇ ਪੌਲੀਐਵ ਨੇ ਕਿਹਾ ਕਿ ਕੰਜ਼ਰਵੇਟਿਵ ਦੇ ਪ੍ਰਸਤਾਵਿਤ ਬਿੱਲ ਵਿਚ ਜਿਨਸੀ ਹਮਲਾ, ਅਗਵਾ, ਮਨੁੱਖੀ ਤਸਕਰੀ, ਘਰਾਂ ਵਿਚ ਹਮਲੇ ਅਤੇ ਹਥਿਆਰਾਂ ਨਾਲ ਸਬੰਧਤ ਦੋਸ਼ਾਂ ਦਾ ਸਾਹਮਣਾ ਕਰਨ ਵਾਲੇ ਮੁਲਜ਼ਮਾਂ ਲਈ ਜ਼ਮਾਨਤ ਨੂੰ ਹਾਡਰ ਬਣਾਉਣ ਲਈ ਕ੍ਰਿਮੀਨਲ ਕੋਡ ਵਿਚ ਨਵੀਂ ਕੈਟਾਗਿਰੀ ਬਣਾਉਣ ਦੀ ਮੰਗ ਸ਼ਾਮਲ ਹੋਵੇਗੀ।

ਉਨ੍ਹਾਂ ਕਿਹਾ ਕਿ ਇਹ ਬਿੱਲ ਰੀਵਰਸ ਓਨਰਸ ਦੇ ਆਧਾਰ ਉਤੇ ਹੋਵੇਗਾ, ਜਿਸ ਤਹਿਤ ਮੁਲਜ਼ਮ ਨੂੰ ਇਹ ਸਾਬਤ ਕਰਨਾ ਹੋਵੇਗਾ ਕਿ ਕੀ ਉਸ ਨੂੰ ਜ਼ਮਾਨਤ ਦੇਣਾ ਸੇਫ ਹੋਵੇਗਾ, ਨਾਲ ਹੀ ਜੱਜ ਵੀ ਦੋਸ਼ੀ ਦੀ ਕ੍ਰਿਮੀਨਲ ਹਿਸਟਰੀ ਦੇਖ ਕੇ ਜ਼ਮਾਨਤ ਦਾ ਫੈਸਲਾ ਲੈ ਸਕਣਗੇ।

ਗੌਰਤਲਬ ਹੈ ਕਿ ਪ੍ਰੀਮੀਅਰਜ਼, ਪੁਲਿਸ ਐਸੋਸੀਏਸ਼ਨ ਅਤੇ ਫੈਡਰਲ ਕੰਜ਼ਰਵੇਟਿਵ ਪਿਛਲੇ ਕਈ ਮਹੀਨਿਆਂ ਤੋਂ ਸਖ਼ਤ ਜ਼ਮਾਨਤ ਕਾਨੂੰਨ ਦੀ ਮੰਗ ਕਰ ਰਹੇ ਹਨ। ਪੀ.ਐਮ. ਮਾਰਕ ਕਾਰਨੀ ਨੇ ਵੀ ਅਕਤੂਬਰ ਵਿਚ ਬੇਲ ਰੀਫੋਮ ਬਿੱਲ ਪੇਸ਼ ਕਰਨ ਦਾ ਭਰੋਸਾ ਦਿੱਤਾ ਹੈ।