11.2C Vancouver 11.2C VancouverAug 3, 2022 12:26 AM - The Canadian Press
ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਦੱਖਣੀ ਓਕਾਨਾਗਨ 'ਚ ਠੰਡੇ ਤਾਪਮਾਨ ਦੀ ਦਸਤਕ ਨਾਲ ਪੈਂਟੀਕਟਨ ਦੇ ਇਲਾਕੇ 'ਚ ਜਾਰੀ ਵਾਈਲਡਫਾਇਰ 'ਤੇ ਕਾਬੂ ਪਾਉਣ 'ਚ ਮਦਦ ਮਿਲ ਸਕੇਗੀ।
ਇਸ ਅੱਗ ਦਾ ਆਕਾਰ ਕਰੀਬ 28 ਸਕਵੇਅਰ ਕਿਲੋਮੀਟਰ ਤਕ ਪਹੁੰਚ ਗਿਆ ਹੈ।
ਇਹ ਅੱਗ ਸ਼ੁੱਕਰਵਾਰ ਤੋਂ ਸ਼ੁਰੂ ਹੋਈ ਦੱਸੀ ਗਈ ਸੀ।
ਬੀਤੇ 4 ਦਿਨਾਂ 'ਚ ਅੱਗ ਨੇ ਤੇਜ ਰਫਤਾਰ ਨਾਲ ਆਕਾਰ 'ਚ ਵਾਧਾ ਕੀਤਾ ਹੈ ਅਤੇ ਬੇਹੱਦ ਗਰਮ ਤਾਪਮਾਨ 'ਚ ਅੱਗ ਨੂੰ ਵਧਣ 'ਚ ਮਦਦ ਕੀਤੀ ਸੀ।
ਇਸ ਅੱਗ ਕਾਰਨ ਇੱਕ ਰਿਜ਼ਾਰਟ ਸਮੇਤ 300 ਤੋਂ ਵਧੇਰੇ ਪ੍ਰਾਪਰਟੀਆਂ ਨੂੰ ਖਾਲੀ ਕਰਵਾ ਲਿਆ ਗਿਆ ਹੈ।
ਕਰੀਬ 400 ਘਰਾਂ, ਫਾਰਮਸ ਅਤੇ ਵਪਾਰਾਂ ਲਈ ਇਵੈਕੂਏਅਸ਼ਨ ਐਲਰਟ ਜਾਰੀ ਹਨ।
ਇਸ ਤੋਂ ਅਲਾਵਾ ਬੀ.ਸੀ. 'ਚ ਨੈਲਸਨ ਦੇ ਕੋਲ ਕੂਟਨੀ ਦੇ ਇਲਾਕੇ 'ਚ ਬਲ ਰਹੀ ਕਰੀਬ 15 ਸਕਵੇਅਰ ਕਿਲੋਮੀਟਰ ਦੀ ਅੱਗ ਅਤੇ ਕੈਮਲੂਪਸ ਦੇ ਕੋਲ ਜਾਰੀ 2 ਸਕਵੇਅਰ ਕਿਲੋਮੀਟਰ ਦੀ ਵਾਈਲਡਫਾਇਰ ਕਾਰਨ ਕੁਝ ਪਾਰਟੀਆਂ ਲਈ ਇਵੈਕੂਏਸ਼ਨ ਐਲਰਟ ਜਾਰੀ ਕੀਤੇ ਗਏ ਹਨ।
