11.9C Vancouver 11.9C VancouverNov 18, 2022 1:37 AM - Connect News
ਕੋਕਟਲਮ ਆਰ.ਸੀ.ਐਮ.ਪੀ. ਵੱਲੋਂ ਲੋਕਾਂ ਨੂੰ ਯਾਦ ਦਵਾਇਆ ਗਿਆ ਹੈ ਕਿ ਬੀ.ਬੀ. ਬੰਦੂਕਾਂ, ਪੈਲੇਟ ਬੰਦੂਕਾਂ ਅਤੇ ਏਅਰਸੌਫਟ ਬੰਦੂਕਾਂ ਜਿਹੇ ਇਮਿਟੇਸ਼ਨ ਫਾਇਰਆਰਮਸ ਰੱਖਣ ਦੇ ਕਈ ਖਤਰੇ ਹੋ ਸਕਦੇ ਹਨ।
ਕੋਕਟਲਮ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਫਰੰਟਲਾਈਨ ਅਫਸਰਾਂ ਨੇ ਲੇਕਸ਼ੋਰ ਡਰਾਈਵ ਅਤੇ ਫੌਸਟਰ ਐਵੀਨਿਊ ਦੇ ਇਲਾਕੇ 'ਚ ਕੁਝ ਲੋਕਾਂ ਦੇ ਗਰੁੱਪ ਤੱਕ ਪਹੁੰਚ ਕੀਤੀ ਸੀ ਜੋ ਕਿ ਕਥਿਤ ਤੌਰ 'ਤੇ ਬੰਦੂਕਾਂ ਲਹਿਰਾ ਰਹੇ ਸਨ।
ਮਾਮਲਾ 9 ਨਵੰਬਰ ਨੂੰ ਦੁਪਹਿਰ ਕਰੀਬ 12.30 ਵਜੇ ਦਾ ਦੱਸਿਆ ਗਿਆ। ਅਫਸਰਾਂ ਨੇ ਵੇਖਿਆ ਕਿ 2006 ਮਾਡਲ ਦੀ ਐਕੁਰਾ ਗੱਡੀ ਕੋਲ ਖੜੇ 4 ਲੋਕਾਂ ਕੋਲ ਇੱਕ ਬੰਦੂਕ ਅਤੇ ਇੱਕ ਪਿਸਟਲ ਫੜੀ ਸੀ।
ਅਫਸਰਾਂ ਨੇ ਹਥਿਆਰਾਂ ਦੀ ਜਾਂਚ ਕੀਤੀ ਤਾਂ ਪਤਾ ਲੱਗਿਆ ਕਿ ਇਹ ਬੀ.ਬੀ. ਬੰਦੂਕਾਂ ਹਨ।
ਪੁਲਿਸ ਨੂੰ ਦੱਸਿਆ ਗਿਆ ਕਿ ਯੁਵਕਾਂ ਨੇ ਹਥਿਆਰ ਕਿਸੇ ਮਿਊਜ਼ਿਕ ਵੀਡੀਓ ਲਈ ਫੜ੍ਹੇ ਹੋਏ ਸਨ।
ਕੌਰਪੋਰਲ ਅਲੈਕਸਾ ਹੌਜਿਨਸ ਨੇ ਕਿਹਾ ਕਿ ਜਦ ਵੀ ਕੋਈ ਹਥਿਆਰਾਂ ਸੰਬੰਧੀ ਰਿਪੋਰਟ ਮਿਲੇਗੀ ਤਾਂ ਲੋਕਾਂ ਦੀ ਸੁਰੱਖਿਆ ਪੁਖਤਾ ਕਰਨ ਲਈ ਮਜ਼ਬੂਤ ਰਿਸਪਾਂਸ ਵੇਖਣ ਨੂੰ ਮਿਲੇਗਾ।
ਉਨ੍ਹਾਂ ਕਿਹਾ ਕਿ ਇਸ ਪ੍ਰਕਾਰ ਦੀਆਂ ਬੰਦੂਕਾਂ ਦੀ ਵਰਤੋਂ ਸਿਰਫ ਡੈਜੀਗਨੇਟਿਡ ਇਲਾਕਿਆਂ 'ਚ ਹੀ ਕੀਤੀ ਜਾਵੇ।
