18.73C Vancouver 18.73C VancouverJul 9, 2025 5:41 PM - Connect Newsroom
ਕੋਕੁਇਟਲਮ ਆਰਸੀਐਮਪੀ ਨੇ 2022 ਵਿਚ ਹੋਈ ਇੱਕ ਛੁਰੇਬਾਜ਼ੀ ਦੀ ਘਟਨਾ ਦੀ ਲੰਮੀ ਜਾਂਚ ਮਗਰੋਂ ਦੋ ਮੁਲਜ਼ਮਾਂ 'ਤੇ ਕ੍ਰਿਮੀਨਲ ਚਾਰਜਿਜ਼ ਲਗਾਏ ਹਨ। ਪੁਲਿਸ ਨੇ ਕਿਹਾ ਕਿ 4 ਜੂਨ 2022 ਨੂੰ ਵੱਡੇ ਤੜਕੇ 1:00 ਵਜੇ ਦੇ ਕਰੀਬ ਪੋਰਟ ਕੋਕੁਇਟਲਮ ਦੇ 2260 ਸੈਂਟਰਲ ਐਵੇਨਿਊ 'ਤੇ ਸਥਿਤ ਸੈਂਟਰਲ ਐਲੀਮੈਂਟਰੀ ਸਕੂਲ ਨੇੜੇ ਛੁਰੇਬਾਜ਼ੀ ਦੀ ਘਟਨਾ ਹੋਈ ਸੀ।
ਇਸ ਮਾਮਲੇ ਵਿਚ ਦੋ ਨੌਵਜਾਨਾਂ ਦੀ ਪਛਾਣ ਕੀਤੀ ਗਈ ਸੀ, ਜਿਨ੍ਹਾਂ 'ਤੇ 25 ਜੂਨ ਨੂੰ ਬੀ.ਸੀ. ਪ੍ਰੌਸੀਕਿਊਸ਼ਨ ਸਰਵਿਸ ਨੇ ਗੰਭੀਰ ਹਮਲਾ, ਹਥਿਆਰ ਨਾਲ ਹਮਲਾ ਅਤੇ ਗਲਤ ਇਰਾਦੇ ਨਾਲ ਹਥਿਆਰ ਰੱਖਣ ਦੇ ਚਾਰਜਿਜ਼ ਨੂੰ ਮਨਜ਼ੂਰੀ ਦਿੱਤੀ, ਮੁਲਜ਼ਮਾਂ ਵਿਚ ਪੋਰਟ ਕੋਕੁਇਟਲਮ ਦਾ ਇੱਕ 23 ਸਾਲਾ ਸ਼ੇਨ ਐਸਟਨ ਗੇਰੋ ਅਤੇ ਇੱਕ ਨਾਬਾਲਗ ਸ਼ਾਮਲ ਹੈ ਜਿਸ ਦਾ ਨਾਮ ਜਾਰੀ ਨਹੀਂ ਕੀਤਾ ਗਿਆ।
ਪੁਲਿਸ ਨੇ ਦੋਹਾਂ ਨੂੰ ਦੋ ਜੁਲਾਈ ਨੂੰ ਗ੍ਰਿਫਤਾਰ ਕੀਤਾ। ਕੋਕੁਇਟਲਮ ਆਰਸੀਐਮਪੀ ਦੇ ਅਧਿਕਾਰੀ ਜੌਨ ਗ੍ਰਾਹਮ ਨੇ ਕਿਹਾ ਕਿ ਇਹ ਇੱਕ ਗੁੰਝਲਦਾਰ ਮਾਮਲਾ ਸੀ।
