9.98C Vancouver 9.98C VancouverJul 29, 2025 8:16 PM - Connect Newsroom
ਕੋਕਟਲਮ ਵਿਚ ਲਗਭਗ 4 ਸਾਲ ਪਹਿਲਾਂ ਗੋਲੀ ਚਲਾਉਣ ਦੇ ਮਾਮਲੇ ਵਿਚ ਪੰਜਾਬੀ ਮੂਲ ਦੇ ਸੁਖਦੀਪ ਸਿੰਘ ਪੰਸਲ ਨੂੰ ਗੈਰ-ਕਾਨੂੰਨੀ ਤਰੀਕੇ ਨਾਲ ਗੰਨ ਰੱਖਣ ਅਤੇ ਗੋਲੀ ਚਲਾਉਣ ਦੇ ਸਬੰਧ ਵਿਚ ਹਾਲ ਹੀ ਵਿਚ 38 ਮਹੀਨਿਆਂ ਦੀ ਸਜ਼ਾ ਸੁਣਾਈ ਗਈ ਹੈ। ਉਸ'ਤੇ ਉਮਰ ਭਰ ਲਈ ਹਥਿਆਰਾਂ 'ਤੇ ਪਾਬੰਦੀ ਵੀ ਲਗਾਈ ਗਈ ਹੈ।
ਪੁਲਿਸ ਮੁਤਾਬਕ,16 ਜੂਨ 2021 ਨੂੰ ਕੋਕਟਲਮ ਦੇ ਵ੍ਹਾਈਟਿੰਗ ਵੇ ਵਿਚ ਇੱਕ ਉੱਚੀ ਇਮਾਰਤ ਬਿਲਡਿੰਗ ਵਿਚ ਗੋਲੀਆਂ ਚੱਲਣ ਦੀ ਰਿਪੋਰਟ ਮਿਲੀ ਸੀ, ਜਦੋਂ ਅਧਿਕਾਰੀ ਮੌਕੇ 'ਤੇ ਪਹੁੰਚੇ ਤਾਂ ਇੱਕ ਔਰਤ ਗੈਰ-ਜਾਨਲੇਵਾ ਹਾਲਤ ਵਿਚ ਜ਼ਖਮੀ ਪਾਈ ਗਈ।
ਪੁਲਿਸ ਨੇ ਕਿਹਾ ਕਿ ਇਹ ਇੱਕ ਸੰਘਣੀ ਆਬਾਦੀ ਵਾਲਾ ਰਿਹਾਇਸ਼ੀ ਖੇਤਰ ਹੈ, ਜਿਥੇ ਖਤਰੇ ਕਾਰਨ ਕਈ ਘਰਾਂ ਨੂੰ ਖਾਲੀ ਕਰਵਾਉਣਾ ਪਿਆ ਸੀ। ਪੁਲਿਸ ਮੁਤਾਬਕ, ਸੁਖਦੀਪ ਸਿੰਘ ਪੰਸਲ ਨੇ ਖੁਦ ਨੂੰ ਇੱਕ ਰਿਹਾਇਸ਼ ਵਿਚ ਬੰਦ ਕਰ ਲਿਆ ਸੀ ਅਤੇ ਕਈ ਘੰਟਿਆਂ ਦੇ ਸੰਘਰਸ਼ ਮਗਰੋਂ ਉਸ ਨੂੰ ਹਿਰਾਸਤ ਵਿਚ ਲਿਆ ਗਿਆ ਤੇ ਹਥਿਆਰ ਜ਼ਬਤ ਕੀਤਾ ਗਿਆ ਸੀ। ਪੁਲਿਸ ਨੇ ਪੰਸਲ ਅਤੇ ਜ਼ਖਮੀ ਪੀੜਤਾ ਵਿਚਕਾਰ ਸਬੰਧਾਂ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ।
