13.87C Vancouver 13.87C VancouverMay 19, 2022 11:24 PM - The Canadian Press
ਬੀ.ਸੀ. ਦੀ 26 ਸਾਲਾ ਔਰਤ ਦੀ ਮੌਤ ਦੇ ਮਾਮਲੇ 'ਚ ਕੋਰੋਨਰ ਵੱਲੋਂ ਕੀਤੀ ਜਾ ਰਹੀ ਇਨਕਵੈਸਟ ਦੌਰਾਨ ਜਿਊਰੀ ਨੇ ਔਰਤ ਦੀ ਮੌਤ ਨੂੰ ਹੋਮੀਸਾਈਡ ਕਰਾਰ ਦਿੱਤਾ ਹੈ।
ਨਿਊ ਬਰੰਸਵਿਕ ਦੇ ਐਡਮੰਡਸਟਨ 'ਚ ਇੱਕ ਵੈਲਨੈਸ ਚੈਕ ਦੌਰਾਨ ਇਸ ਔਰਤ ਦੀ ਪੁਲਿਸ ਦੀ ਗੋਲੀ ਕਾਰਨ ਮੌਤ ਹੋ ਗਈ ਸੀ।
ਅੱਜ ਇਸ ਮੌਤ ਨੂੰ ਹੱਤਿਆ ਕਰਾਰ ਦੇਣ ਤੋਂ ਇਲਾਵਾ ਜਿਊਰੀ ਨੇ ਕੁਝ ਸਿਫਾਰਸ਼ਾਂ ਵੀ ਜਾਰੀ ਕੀਤੀਆਂ ਹਨ।
ਕੋਰੋਨਰ ਦੀ ਜਿਊਰੀ ਨੇ ਇੱਕ ਸੁਤੰਤਰ ਗਰੁੱਪ ਸਥਾਪਿਤ ਕਰਨ ਦੀ ਸਿਫਾਰਿਸ਼ ਕੀਤੀ ਹੈ ਜੋ ਕਿ ਨਿਊ ਬਰੰਸਵਿਕ ਪੁਲਿਸ ਦੀ ਤਾਕਤ ਦਾ ਇਸਤੇਮਾਲ ਕਰਨ ਸੰਬੰਧੀ ਨੀਤੀ ਦੀ ਜਾਂਚ ਕਰੇ।
ਜਿਊਰੀ ਨੇ ਇਹ ਵੀ ਆਖਿਆ ਕਿ ਅਫਸਰਾਂ ਦਾ ਪੁਲਿਸ ਨੀਤੀਆਂ ਸੰਬੰਧੀ ਟੈਸਟ ਹੋਣਾ ਚਾਹੀਦਾ ਹੈ ਅਤੇ ਪੁਲਿਸ ਨੂੰ ਫਰਸਟ ਨੇਸ਼ਨ ਭਾਈਚਾਰਿਆਂ ਨਾਲ ਬਿਹਤਰ ਸੰਬੰਧ ਸਥਾਪਿਤ ਕਰਨ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ।
ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ ਚੈਂਟਲ ਮੂਰ ਦੀ ਔਟੋਪਸੀ ਕਰਨ ਵਾਲੇ ਪੈਥੋਲੋਜਿਸਟ ਦਾ ਕਹਿਣਾ ਸੀ ਕਿ ਇੰਡੀਜਨਸ ਔਰਤ ਦੀ ਛਾਤੀ 'ਚ 2 ਗੋਲੀਆਂ ਮਾਰੀਆਂ ਗਈਆਂ ਸਨ ਅਤੇ ਉਸ ਦੇ ਢਿੱਡ ਅਤੇ ਖੱਬੀ ਲੱਤ ਵਿੱਚ ਇੱਕ-ਇੱਕ ਗੋਲੀ ਲੱਗੀ ਸੀ।
ਕੱਲ ਦੀ ਸੁਣਵਾਈ ਦੌਰਾਨ ਪੀੜਤ ਦੀ ਮਾਂ ਮਾਰਥਾ ਮਾਰਟਿਨ ਕਈ ਵਾਰ ਭਾਵੁਕ ਹੋ ਗਈ ਸੀ ਅਤੇ ਉਸ ਨੂੰ 2 ਵਾਰ ਕਮਰੇ ਤੋਂ ਬਾਹਰ ਵੀ ਲਿਜਾਣਾ ਪਿਆ।
ਫੌਰੈਂਸਿਕ ਟੌਕਸੀਕੌਲੋਜਿਸਟ ਜੇਮਸ ਵਿਗਮੋਰ ਨੇ ਬੁੱਧਵਾਰ ਨੂੰ ਦੱਸਿਆ ਸੀ ਕਿ ਚੈਂਟਲ ਮੂਰ ਦੇ ਸਿਸਟਮ 'ਚ 5 ਬੀਅਰਸ ਜਿੰਨੀ ਇਨਟੌਕਸੀਕੇਸ਼ਨ ਮਿਲੀ ਸੀ ਅਤੇ ਉਨ੍ਹਾਂ ਕਿਹਾ ਕਿ ਇਸ ਅਨੁਸਾਰ ਪੀੜਤ ਵੱਲੋਂ ਇਨਟੌਕਸੀਕੇਸ਼ਨ ਦੇ ਬਹੁਤੇ ਲੱਛਣ ਨਹੀਂ ਵਿਖਾਏ ਗਏ ਹੋ ਸਕਦੇ।
3 ਔਰਤਾਂ ਅਤੇ 2 ਆਦਮੀਆਂ ਦੀ ਜਿਊਰੀ ਵੱਲੋਂ ਇਹ ਇਨਕਵੈਸਟ ਕੀਤੀ ਜਾ ਰਹੀ ਹੈ।
ਮਾਮਲਾ 26 ਸਾਲਾ ਇੰਡੀਜਨਸ ਔਰਤ ਚੈਂਟਲ ਮੂਰ ਦੀ ਮੌਤ ਨਾਲ ਸੰਬੰਧਤ ਹੈ।
ਘਟਨਾ 4 ਜੂਨ 2020 ਨੂੰ ਵਾਪਰੀ ਸੀ।
ਪੁਲਿਸ ਦਾ ਕਹਿਣਾ ਸੀ ਕਿ ਮੂਰ ਨੂੰ ਉਸ ਦੇ ਅਪਾਰਟਮੈਂਟ ਦੀ ਬਾਲਕਨੀ 'ਚ ਉਸ ਵੇਲੇ ਗੋਲੀ ਮਾਰ ਦਿੱਤੀ ਗਈ ਸੀ ਜਦ ਇਨਟੌਕਸਿਕੇਟਿਡ ਅਵਸਥਾ 'ਚ ਉਸ ਨੇ ਚਾਕੂ ਲੈਕੇ ਪੁਲਿਸ ਵੱਲ ਵਧਣ ਦੀ ਕੋਸ਼ਿਸ਼ ਕੀਤੀ ਸੀ।
