14.37C Vancouver 14.37C VancouverMar 5, 2026 6:30 PM - Pervez Sandhu - Connect Newsroom
ਆਮ ਤੌਰ 'ਤੇ ਪੁਲਿਸ ਨਾਲ ਮੀਡੀਆ ਦਾ ਰਾਬਤਾ ਕਿਸੇ ਗੰਭੀਰ ਘਟਨਾ ਆਦਿ ਸੰਬੰਧੀ ਹੁੰਦਾ ਹੈ।
ਪਰ ਅੱਜ ਇਸ ਦੇ ਉਲਟ ਸਰੀ 'ਚ ਬੀ.ਸੀ. ਆਰ.ਸੀ.ਐਮ.ਪੀ. ਦੇ ਗਰੀਨ ਟਿੰਬਰਸ ਸਥਿਤ ਮੁੱਖ ਦਫ਼ਤਰ ਵਿਖੇ ਮੀਡੀਆ ਦਾ ਪੁਲਿਸ ਨਾਲ ਰਾਬਤਾ ਬੜੇ ਹੀ ਮਾਸੂਮੀਅਤ ਅਤੇ ਰੌਣਕ ਭਰੇ ਮਾਹੌਲ ਦੇ ਵਿੱਚ ਹੋਇਆ।
ਆਮ ਤੌਰ 'ਤੇ ਚੌਕਸ, ਸਾਵਧਾਨ ਅਤੇ ਗੰਭੀਰ ਵਿਖਾਈ ਦੇਣ ਵਾਲੇ ਪੁਲਿਸ ਅਫ਼ਸਰ ਅੱਜ ਆਰ.ਸੀ.ਐਮ.ਪੀ. ਹੈਡਕੁਆਟਰ ਦੇ ਮੀਡੀਆ ਰੂਮ 'ਚ ਛੋਟੇ ਪੱਪੀਸ ਨਾਲ ਖੇਡਦੇ ਵਿਖਾਈ ਦਿੱਤੇ।
ਅਫਸਰਾਂ ਲਈ ਵੀ ਇਹ ਮੌਕਾ ਖੁਸ਼ੀ ਭਰਿਆ ਅਤੇ ਰਿਲੈਕਸ ਕਰਨ ਵਾਲਾ ਸੀ।
ਦਰਅਸਲ ਮਾਮਲਾ ਇੱਕ ਸਾਲਾਨਾ ਕੰਟੈਸਟ ਨਾਲ ਸੰਬੰਧਤ ਹੈ ਜਿਸ ਦੌਰਾਨ ਦੇਸ਼ ਭਰ ਦੇ ਬੱਚਿਆਂ ਨੂੰ ਪੁਲਿਸ ਡੌਗਸ ਦਾ ਨਾਮ ਚੁਣਨ ਦਾ ਮੌਕਾ ਮਿਲਦਾ ਹੈ।
ਇਸ ਸਾਲਾਨਾ ਕੰਟੈਸਟ ਦਾ ਨਾਮ ਹੈ 'ਨੇਮ ਦ ਪੱਪੀ ਕੰਟੈਸਟ।'
ਕਾਂਸਟੇਬਲ ਰੌਸ ਫਿੰਡਲੀ ਨੇ ਕਨੈਕਟ ਐਫ.ਐਮ. ਨਾਲ ਕੰਟੈਸਟ ਸੰਬੰਧੀ ਵੇਰਵੇ ਸਾਂਝੇ ਕੀਤੇ।
ਉਨ੍ਹਾਂ ਦੱਸਿਆ ਕਿ ਇਸ ਸਾਲ ਜਿਸ ਐਲਫਾਬੈਟ ਜਾਣੀ ਕਿ ਜਿਸ ਅੱਖਰ ਤੋਂ ਪੱਪੀਸ ਦਾ ਨਾਮ ਚੁਣਿਆ ਜਾ ਰਿਹਾ ਹੈ, ਉਹ ਹੈ 'B.'
ਕਾਂਸਟੇਬਲ ਫਿੰਡਲੀ ਦਾ ਕਹਿਣਾ ਸੀ ਕਿ ਪੱਪੀਸ ਨੂੰ ਪੁਲਿਸ ਡੌਗ ਬਣਾਉਣ ਦੀ ਪ੍ਰੀਕਿਰਿਆ ਕਾਫੀ ਕੰਪਲੈਕਸ ਹੈ ਅਤੇ ਇਸ ਸੰਬੰਧੀ ਧੀਮੀ ਰਫਤਾਰ ਨਾਲ ਅੱਗੇ ਵਧਿਆ ਜਾਂਦਾ ਹੈ।
ਉਨ੍ਹਾਂ ਦੱਸਿਆ ਕਿ ਹੈਰਾਨੀ ਨਹੀਂ ਹੋਣੀ ਚਾਹੀਦੀ ਜੇਕਰ ਮੀਡੀਆ ਰੂਮ 'ਚ ਅੱਜ ਵਿਖਾਈ ਦਿੱਤੇ ਪੱਪੀਸ ਅੱਗੇ ਪੁਲਿਸ ਅਫਸਰਾਂ ਨਾਲ ਗੰਭੀਰ ਫਾਈਲਸ 'ਤੇ ਕੰਮ ਕਰਦੇ ਵਿਖਾਈ ਦੇਣ।
ਉਨ੍ਹਾਂ ਦੱਸਿਆ ਕਿ ਇਸ ਸਾਲਾਨਾ ਕੰਟੈਂਸਟ ਵਿੱਚ ਹਜ਼ਾਰਾਂ ਦੀ ਗਿਣਤੀ 'ਚ ਬੱਚਿਆਂ ਵੱਲੋਂ ਇਨ੍ਹਾਂ ਪੱਪੀਸ ਲਈ ਆਪਣੀ ਪਸੰਦ ਦੇ ਨਾਮ ਸਾਂਝੇ ਕੀਤੇ ਜਾਂਦੇ ਹਨ।
ਕੰਟੈਸਟ ਵਿੱਚ ਸਾਂਝੇ ਕੀਤੇ ਜਾਣ ਵਾਲੇ ਨਾਮ ਅਨੁਸਾਰ ਫਿਰ ਕਮੇਟੀ ਪੱਪੀਸ ਦਾ ਨਾਮ ਰੱਖਣ ਸੰਬੰਧੀ ਫੈਸਲਾ ਲੈਂਦੀ ਹੈ।
Full news release:
https://rcmp.ca/en/bc/news/2026/03/4350838
Watch video:
