15.56C Vancouver 15.56C VancouverJun 25, 2021 10:27 PM -
ਵੈਨਕੂਵਰ 'ਚ ਸਿਟੀ ਕਾਉਂਸਿਲ ਨੇ ਪ੍ਰਾਈਵੇਟ ਮਲਕੀਅਤ ਵਾਲੇ ਕਿਕ ਸਕੂਟਰ (privately-owned electric kick scooters) ਨੂੰ ਸ਼ਹਿਰ ਦੀਆਂ ਮਾਈਨਰ ਸਟ੍ਰੀਟਸ ਅਤੇ ਸੁਰੱਖਿਅਤ ਬਾਈਕ ਲੇਨਸ ਲਈ ਵਰਤੋਂ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਇਹ ਇੱਕ ਪਾਈਲਟ ਪ੍ਰੋਜੈਕਟ ਦਾ ਹਿੱਸਾ ਹੈ।
ਹਾਲਾਂਕਿ ਜ਼ਰੂਰੀ ਹੋਵੇਗਾ ਕਿ ਇਲੈਕਟ੍ਰਿਕ ਕਿਕ ਸਕੂਟਰਾਂ ਦੀ ਵਰਤੋਂ ਕਰਨ ਵਾਲੇ ਲੋਕ ਸਾਈਕਲ ਸਵਾਰਾਂ ਲਈ ਜਾਰੀ ਨਿਯਮਾਂ ਦੀ ਪਾਲਣਾ ਕਰਨ ਅਤੇ ਇਸ ਦੇ ਲਈ ਚਲਾਉਣ ਦੀ ਘਟੋ-ਘੱਟ ਉਮਰ 16 ਸਾਲ ਰੱਖੀ ਗਈ ਹੈ।
ਇਹਨਾਂ ਸਕੂਟਰਾਂ ਦੀ ਰਫ਼ਤਾਰ 24km ਪ੍ਰਤੀ ਘੰਟਾ ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ ਹੈ।
ਹਾਲਾਂਕਿ ਇਸ ਦੇ ਲਈ ਡਰਾਈਵਰ ਲਾਈਸੈਂਸ ਜਾਂ ਇੰਸ਼ੋਰੈਂਸ ਦੀ ਲੋੜ ਨਹੀਂ ਹੋਵੇਗੀ।
ਇਸ ਪ੍ਰੋਗਰਾਮ ਤਹਿਤ ਸਕੂਟਰਾਂ ਨੂੰ ਰੈਂਟਲ ਜਾਂ ਸ਼ੇਅਰਡ ਪ੍ਰੋਗਰਾਮ ਦਾ ਹਿੱਸਾ ਨਹੀਂ ਬਣਾਇਆ ਜਾ ਸਕੇਗਾ।
ਬੀ.ਸੀ. 'ਚ 6 ਸ਼ਹਿਰਾਂ 'ਚ ਇਸ ਪ੍ਰੋਗਰਾਮ ਦਾ ਟੈਸਟ ਹੋ ਰਿਹਾ ਹੈ ਅਤੇ ਇਸ 'ਚ ਵੈਨਕੂਵਰ ਵੀ ਸ਼ਾਮਿਲ ਹੈ।
ਇਹ ਪਾਈਲਟ ਪ੍ਰੋਜੈਕਟ 5 ਅਪ੍ਰੈਲ 2024 ਤਕ ਜਾਰੀ ਰਹਿਣ ਦੀ ਉਮੀਦ ਹੈ।
ਮੇਅਰ ਕੈਨੇਡੀ ਸਟੀਵਰਟ ਨੇ ਕਿਹਾ ਕਿ ਇਹ ਪਾਈਲਟ ਪ੍ਰੋਜੈਕਟ ਚਲਾਉਂਦੇ ਹੋਏ ਪਬਲਿਕ ਸੇਫਟੀ ਨੂੰ ਮੁੱਖ ਰੱਖਿਆ ਗਿਆ ਹੈ।
