18.07C Vancouver 18.07C VancouverSep 22, 2021 8:42 PM -
ਇਲੈਕਸ਼ਨਸ ਕੈਨੇਡਾ ਦਾ ਕਹਿਣਾ ਹੈ ਕਿ ਸੋਮਵਾਰ ਨੂੰ ਫੈਡਰਲ ਚੋਣਾਂ ਨਾਲ ਜੁੜੇ ਬੀ.ਸੀ. ਦੇ 8,50,000 ਮੇਲ ਇਨ ਬੈਲਟਸ ਵਿੱਚੋਂ ਬਹੁਤਿਆਂ ਦੀ ਗਿਣਤੀ ਪੂਰੀ ਹੋ ਚੁੱਕੀ ਹੈ।
ਅੱਜ ਸ਼ਾਮ ਤਕ ਇਹ ਗਿਣਤੀ ਪੂਰੀ ਹੋਣ ਦਾ ਅਨੁਮਾਨ ਦੱਸਿਆ ਗਿਆ ਹੈ।
ਇਸ ਦੇ ਨਾਲ ਹੀ ਵੈਨਕੂਵਰ ਗ੍ਰੈਨਵਿਲ ਦੀ ਰਾਈਡਿੰਗ ਦਾ ਵੀ ਫੈਸਲਾ ਹੋ ਜਾਵੇਗਾ ਜਿੱਥੇ ਕੁਝ ਕੁ ਵੋਟਾਂ ਦੇ ਫਰਕ ਨਾਲ ਲਿਬਰਲ ਅਤੇ ਨਿਊ ਡੈਮੋਕ੍ਰੈਟ ਉਮੀਦਵਾਰ ਵਿਚਾਲੇ ਫਰਕ ਬਣਿਆ ਹੋਇਆ ਹੈ।
ਦੋਵਾਂ ਉਮੀਦਵਾਰਾਂ 'ਚ ਕਰੀਬ 200 ਵੋਟਾਂ ਦਾ ਹੀ ਫਰਕ ਹੈ।
ਮੇਲ ਇਨ ਬੈਲਟਸ ਦੀ ਗਿਣਤੀ ਦਾ ਰਿਚਮੰਡ ਸੈਂਟਰ ਦੀ ਰਾਈਡਿੰਗ ਦੇ ਨਤੀਜੇ 'ਤੇ ਵੀ ਅਸਰ ਪੈ ਸਕਦਾ ਹੈ।
ਇਸ ਤੋਂ ਇਲਾਵਾ 3 ਹੋਰ ਰਾਈਡਿੰਗਸ 'ਤੇ ਗਿਣਤੀ ਪੂਰੀ ਹੋ ਚੁੱਕੀ ਹੈ ਜਿਸ 'ਚ ਯੂਕੌਨ ਦੀ ਰਾਈਡਿੰਗ ਵੀ ਸ਼ਾਮਿਲ ਹੈ।
ਇਸ ਰਾਈਡਿੰਗ ਤੋਂ ਲਿਬਰਲ ਉਮੀਦਵਾਰ ਅਤੇ ਚੀਫ਼ ਮੈਡਿਕਲ ਅਫ਼ਸਰ ਫਾਰ ਹੈਲਥ, ਡਾ. ਬ੍ਰੈਂਡਨ ਹੈਨਲੀ ਨੇ ਜਿੱਤ ਦਰਜ ਕੀਤੀ ਹੈ।
