ਕਾਉਟਸ ਨਾਕੇਬੰਦੀ ਦੀ ਅਗਵਾਈ ਕਰਨ ਵਾਲੇ ਦੋਸ਼ੀਆਂ ਦੀ ਅੱਜ ਹੋ ਸਕਦੀ ਹੈ ਅਦਾਲਤ ਵਿਚ ਪੇਸ਼ੀ

ਐਲਬਰਟਾ ਵਿਚ ਅਮਰੀਕਾ-ਕੈਨੇਡਾ ਦੀ ਸਰਹੱਦ ਕਾਉਟਸ ’ਤੇ ਨਾਕਾਬੰਦੀ ਕਰਨ ਲਈ ਹੋਰਾਂ ਨੂੰ ਭੜਕਾਉਣ ਵਾਲੇ ਤਿੰਨ ਵਿਅਕਤੀਆਂ ਨੂੰ ਅੱਜ ਅਦਾਲਤ ਵਿਚ ਪੇਸ਼ ਕੀਤਾ ਜਾ ਸਕਦਾ ਹੈ। ਅਲੈਕਸ ਵੈਨ ਹਰਕ, ਮਾਰਕੋ ਵੈਨ ਹਿਊਗੇਨਬੋਸ ਅਤੇ ਗੇਰਹਾਰਡ ਜੈਨਜ਼ੇਨ ਨੂੰ ਅਪ੍ਰੈਲ ਵਿਚ $5,000 ਤੋਂ ਵੱਧ ਦੀ ਸ਼ਰਾਰਤ ਕਰਨ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਸੀ।

2022 ਦੀ ਸ਼ੁਰੂਆਤ ਵਿਚ ਸਰਹੱਦ ’ਤੇ ਦੋ ਹਫਤਿਆਂ ਤੱਕ ਨਾਕਾਬੰਦੀ ਰਹੀ ਸੀ, ਇਸ ਕਾਰਨ ਦੋਹਾਂ ਦੇਸ਼ਾਂ ਨੂੰ ਆਰਥਿਕ ਨੁਕਸਾਨ ਝੱਲਣਾ ਪਿਆ ਸੀ। ਇੱਥੋਂ ਹੋਣ ਵਾਲਾ ਵਪਾਰ ਕਾਫੀ ਪ੍ਰਭਾਵਿਤ ਹੋਇਆ ਸੀ। ਦੋਸ਼ ਹੈ ਕਿ ਇਨ੍ਹਾਂ ਤਿੰਨਾਂ ਨੇ ਲੋਕਾਂ ਨੂੰ ਲੰਬੇ ਸਮੇਂ ਤੱਕ ਨਾਕੇਬੰਦੀ ਕਰਕੇ ਰੱਖਣ ਵਾਲੇ ਪ੍ਰਦਰਸ਼ਨਕਾਰੀਆਂ ਵਲੋਂ ਗੱਲ ਕੀਤੀ ਸੀ।

ਇਸ ਦੇ ਇਲਾਵਾ ਇਸੇ ਵਿਚ ਸ਼ਾਮਿਲ ਪ੍ਰਦਰਸ਼ਨਕਾਰੀ ਐਂਥਨੀ ਓਲੀਨਿਕ ਅਤੇ ਕ੍ਰਿਸ ਕਾਰਬਰਟ ਨੂੰ ਨਾਕੇਬੰਦੀ ਦੌਰਾਨ ਪੁਲਿਸ ਔਫੀਸਰਜ਼ ਦੇ ਕਤਲ ਦੀ ਸਾਜਿਸ਼ ਰਚਣ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਸੀ।

ਸਤੰਬਰ ਵਿਚ ਆਏ ਫੈਸਲੇ ਵਿਚ ਉਨ੍ਹਾਂ ਨੂੰ ਦੋਸ਼ੀ ਨਹੀਂ ਮੰਨਿਆ ਗਿਆ ਪਰ ਜਨਤਕ ਸਥਾਨ ’ਤੇ ਹਥਿਆਰ ਲੈ ਕੇ ਜਾਣ ਅਤੇ $5,000 ਤੋਂ ਵੱਧ ਦੀ ਸ਼ਰਾਰਤ ਕਰਨ ਦੇ ਦੋਸ਼ੀ ਠਹਿਰਾਇਆ ਗਿਆ ਸੀ। ਦੋਹਾਂ ਨੂੰ ਸਾਢੇ 6 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ।