13.47C Vancouver 13.47C VancouverApr 23, 2020 9:26 PM -
ਇੱਕ ਪਾਸੇ ਨੋਵਾ ਸਕੌਸ਼ੀਆ 'ਚ ਲੋਕ ਐਤਵਾਰ ਦੀ ਸ਼ੂਟਿੰਗ ਦੇ ਦੁੱਖ ਤੋਂ ਬਾਹਰ ਆਉਣ ਦੀ ਕੋਸ਼ਿਸ਼ ਕਰ ਰਹੇਹਨ, ਪਰ ਦੂਜੇ ਪਾਸੇ ਕੋਵਿਡ-19 ਦੇ ਮਾਮਲਿਆਂ 'ਚ ਵਾਧਾ ਵੀ ਜਾਰੀ ਹੈ।
ਅੱਜ ਦੀ ਅਪਡੇਟ ਦੌਰਾਨ ਦੱਸਿਆ ਗਿਆ ਕਿ ਸੂਬੇ 'ਚ 55 ਨਵੇਂ ਵਾਇਰਸ ਸੰਬੰਧੀ ਮਾਮਲੇ ਦਰਜ ਕੀਤੇ ਗਏ ਹਨ।
ਹੁਣ ਸੂਬੇ 'ਚ ਵਾਇਰਸ ਸੰਬੰਧੀ ਪੀੜਤਾਂ ਦੀ ਗਿਣਤੀ 827 ਤਕ ਪਹੁੰਚ ਗਈ ਹੈ।
ਸੂਬੇ ਦੇ ਚੀਫ ਮੈਡੀਕਲ ਅਫਸਰ, ਡਾ. ਰੌਬਰਟ ਸਟ੍ਰੈਂਗ ਨੇ ਪੀੜਤਾਂ ਸੰਬੰਧੀ ਜਾਣਕਾਰੀਆਂ ਸਾਂਝੀਆਂ ਕੀਤੀਆਂ।
ਸੂਬੇ ਦੇ 10 ਵੱਖੋ ਵੱਖਰੇ ਲੌਂਗ ਟਰਮ ਕੇਅਰ ਹੋਮਸ ਦੇ ਵਿਚ ਵਾਇਰਸ ਸੰਬੰਧੀ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਇਨ੍ਹਾਂ ਕੇਅਰ ਹੋਮਸ ਨਾਲ ਜੁੜੇ 158 ਰੈਜ਼ੀਡੈਂਟ ਅਤੇ 79 ਸਟਾਫ ਮੈਂਬਰ ਹੁਣ ਤਕ ਵਾਇਰਸ ਪੀੜਤ ਪਾਏ ਜਾ ਚੁੱਕੇ ਹਨ।
ਹੁਣ ਤਕ ਸੂਬੇ ਦੇ 16 ਵਾਇਰਸ ਪੀੜਤ ਦਮ ਤੋੜ ਚੁੱਕੇ ਹਨ।
ਅੱਜ ਸੂਬੇ ਦੇ ਪ੍ਰੀਮਿਅਰ ਸਟੀਫਨ ਮੈਕਨੀਲ ਨੇ ਆਖਿਆ ਕਿ ਸੂਬੇ ਲਈ ਇਹ ਸਮਾਂ ਬੇਹਦ ਮੁਸ਼ਕਿਲ ਹੈ, ਪਰ ਉਨ੍ਹਾਂ ਕਿਹਾ ਕਿ ਇਸ ਮੁਸ਼ਕਿਲ ਦੇ ਸਮੇਂ 'ਚ ਵੀ ਕੋਵਿਡ-19 ਤੋਂ ਬਚਾਅ ਦਾ ਧਿਆਨ ਰੱਖਣਾ ਜਰੂਰੀ ਹੈ।
