11.39C Vancouver 11.39C VancouverApr 17, 2020 8:15 PM -
ਔਂਟੈਰੀਓ 'ਚ ਕੋਰੋਨਾ ਵਾਇਰਸ ਨਾਲ ਪੀੜਤ ਲੋਕਾਂ ਦੀ ਗਿਣਤੀ 9,525 ਤਕ ਪਹੁੰਚ ਚੁੱਕੀ ਹੈ।
ਸੂਬੇ 'ਚ ਇਸ ਵਾਇਰਸ ਸੰਬੰਧੀ 564 ਹੋਰ ਮਾਮਲੇ ਉਜਾਗਰ ਹੋਣ ਬਾਰੇ ਦੱਸਿਆ ਗਿਆ ਹੈ।
ਇਸਤੋਂ ਅਲਾਵਾ ਸੂਬੇ 'ਚ 55 ਹੋਰ ਲੋਕਾਂ ਦੀ ਇਸ ਵਾਇਰਸ ਕਾਰਨ ਜਾਨ ਚਲੀ ਗਈ ਹੈ।
ਇਹ ਸੂਬੇ 'ਚ ਇੱਕੋ ਦਿਨ 'ਚ ਸਾਹਮਣੇ ਆਇਆ ਨਵੇਂ ਮਾਮਲਿਆਂ ਅਤੇ ਨਵੀਆਂ ਦਰਜ ਹੋਈਆਂ ਮੌਤਾਂ ਦਾ ਸਭ ਤੋਂ ਵੱਡਾ ਅੰਕੜਾ ਹੈ।
ਔਂਟੈਰੀਓ ਦੀ ਸਿਹਤ ਸੰਬੰਧੀ, ਐਸੋਸੀਏਟ ਚੀਫ ਮੈਡੀਕਲ ਅਫਸਰ, ਡਾ. ਬਾਰਬਰਾ ਯਾਫੇ ਨੇ ਪੀੜਤਾਂ ਬਾਰੇ ਜਾਣਕਾਰੀ ਸਾਂਝੀ ਕੀਤੀ।
ਅੱਜ ਸੂਬੇ ਦੇ ਚੀਫ ਮੈਡੀਕਲ ਅਫਸਰ, ਡਾ. ਡੇਵਿਡ ਵਿਲੀਅਮਸ ਪ੍ਰੈਸ ਬ੍ਰੀਫਿੰਗ 'ਚ ਮੌਜੂਦ ਨਹੀਂ ਸਨ।
ਹੁਣ ਤਕ ਸੂਬੇ ਦੇ 478 ਵਾਇਰਸ ਪੀੜਤਾਂ ਦੀ ਜਾਨ ਜਾ ਚੁੱਕੀ ਹੈ।
ਹਾਲਾਂਕਿ ਦੱਸਿਆ ਗਿਆ ਕਿ ਸੂਬੇ 'ਚ ਹਸਪਤਾਲ 'ਚ ਦਾਖਿਲ ਪੀੜਤਾਂ ਦੀ ਗਿਣਤੀ ਹੁਣ, 807 ਤੋਂ ਵਧ ਕੇ 829 ਤਕ ਪਹੁੰਚ ਗਈ ਹੈ।
