32.15C Vancouver 32.15C VancouverApr 25, 2020 5:42 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਮੱਛੀ ਪਾਲਣ ਅਤੇ ਸੀ-ਫੂਡ ਖੇਤਰ ਲਈ $62.5 ਮਿਲੀਅਨ ਦੀ ਫੰਡਿੰਗ ਦਾ ਐਲਾਨ ਕੀਤਾ ਤਾਂ ਜੋ ਇਸ ਖੇਤਰ ਦੀਆਂ ਕੰਪਨੀਆਂ ਆਪਣੇ ਕਾਮਿਆਂ ਦੀ ਸੁਰੱਖਿਆ ਸੁਨਿਸਚਿਤ ਕਰ ਸਕਣ।
ਟਰੂਡੋ ਨੇ ਕਿਹਾ ਕਿ ਇਸ ਰਾਸ਼ੀ ਨਾਲ ਪਰਸਨਲ ਪ੍ਰੋਟੈਕਟਿਵ ਇਕਿਊਪਮੈਂਟ ਖਰੀਦਿਆ ਜਾ ਸਕੇਗਾ ਤਾਂ ਜੋ ਇਹ ਕੰਪਨੀਆਂ ਸਿਹਤ ਅਧਿਕਾਰੀਆਂ ਵੱਲੋਂ ਜਾਰੀ ਨਿਰਦੇਸ਼ਾਂ ਦੀ ਪਾਲਣਾ ਕਰ ਸਕਣ।
ਉਨ੍ਹਾਂ ਕਿਹਾ ਕਿ ਇਸ ਮਦਦ ਰਾਹੀਂ ਇਹ ਕੰਪਨੀਆਂ ਫਰੀਜ਼ਰ ਵਰਗੇ ਉਪਕਰਨ ਵੀ ਖਰੀਦ ਸਕਣਗੀਆਂ ਤਾਂ ਜੋ ਬਦਲੇ ਹਾਲਾਤਾਂ ਕਾਰਨ ਘਟੀ ਮੰਗ ਦੇ ਚੱਲਦੇ ਇਨ੍ਹਾਂ ਦੇ ਉਤਪਾਦ ਜ਼ਿਆਦਾ ਸਮੇਂ ਤੱਕ ਤਾਜ਼ਾ ਰਹਿ ਸਕਣ।
ਮੱਛੀ ਅਤੇ ਸੀ-ਫੂਡ ਕੈਨੇਡਾ ਦੀ ਨਿਰਯਾਤ ਦਾ ਇੱਕ ਬਹੁਤ ਵੱਡਾ ਹਿੱਸਾ ਹਨ ਅਤੇ ਇਸ ਉਦਯੋਗ ਵਿੱਚ ਤਕਰੀਬਨ 72000 ਲੋਕ ਕੰਮ ਕਰਦੇ ਹਨ।
ਕੋਵਿਡ-19 ਦੇ ਕਾਰਨ ਕੈਨੇਡਾ ਦਾ ਮੀਟ ਪ੍ਰੋਸੈਸਿੰਗ ਉਦਯੋਗ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਇਆ ਹੈ।
