18.56C Vancouver 18.56C VancouverApr 7, 2020 9:38 PM -
ਕਿਊਬੈਕ ਦੇ ਵੱਲੋਂ ਸੂਬੇ 'ਚ ਅਪ੍ਰੈਲ ਮਹੀਨੇ ਦੇ ਅੰਤ ਤਕ ਕੋਰੋਨਾ ਵਾਇਰਸ ਦੇ ਕਾਰਨ 1,263 ਤੋਂ 8,860 ਲੋਕਾਂ ਦੇ ਜਾਨ ਗਵਾਉਣ ਸੰਬੰਧੀ ਅੰਕੜੇ ਸਾਂਝੇ ਕੀਤੇ ਗਏ ਹਨ।
ਸੂਬੇ ਵੱਲੋਂ ਮਹੀਨੇ ਦੇ ਅੰਤ ਤਕ 29,212 ਤੋਂ ਲੈਕੇ 59,845 ਵਾਇਰਸ ਸੰਬੰਧੀ ਮਾਮਲਿਆਂ ਦੀ ਭਵਿਖਵਾਣੀ ਕੀਤੀ ਗਈ ਹੈ।
ਇਹ ਭਵਿੱਖਵਾਣੀ ਮਹੀਨੇ ਦੇ ਅੰਤ ਤਕ ਲਈ ਦੱਸੀ ਜਾ ਰਹੀ ਹੈ।
ਜਿਵੇਂ ਕਿ ਸੂਬੇ ਦੇ ਪ੍ਰੀਮੀਯਰ ਫ੍ਰਾਂਸੂਆ ਲੈਗੌਲਟ ਨੇ ਜਾਣਕਾਰੀ ਦਿੱਤੀ ਸੀ ਕਿ ਅੱਜ ਸੂਬੇ ਵੱਲੋਂ ਇੱਕ ਮਾਡਲਿੰਗ ਜਾਰੀ ਕੀਤੀ ਜਾਵੇਗੀ ਕਿ ਸੂਬੇ 'ਚ ਇਸ ਵਾਇਰਸ ਸੰਬੰਧੀ 'ਮਾੜੇ ਤੋਂ ਮਾੜੇ' ਜਾਂ 'ਚੰਗੇ ਤੋਂ ਚੰਗੇ' ਭਵਿੱਖ ਸੰਬੰਧੀ ਕੀ ਅੰਕੜੇ ਰਹਿ ਸਕਦੇ ਹਨ।
ਉਸੇ ਦੇ ਤਹਿਤ ਇਹ ਅੰਕੜੇ ਪੇਸ਼ ਕੀਤੇ ਗਏ ਹਨ।
ਸੂਬੇ ਨੇ ਕੈਨੇਡਾ 'ਚ ਵਾਇਰਸ ਨਾਲ ਪੀੜਤ ਸਭ ਤੋਂ ਵੱਧ ਮਾਮਲੇ ਦਰਜ ਕੀਤੇ ਹਨ।
ਹੁਣ ਤਕ ਕਿਊਬੈਕ 'ਚ 9,340 ਮਾਮਲੇ ਦਰਜ ਕੀਤੇ ਜਾ ਚੁੱਕੇ ਹਨ।
ਹੁਣ ਤਕ ਸੂਬੇ 'ਚ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 150 ਹੋ ਚੁੱਕੀ ਹੈ।
