13.03C Vancouver 13.03C VancouverMay 5, 2021 5:29 PM -
ਪੈਸੀਫਿਕ ਨੈਸ਼ਨਲ ਐਗਜ਼ੀਬਿਸ਼ਨ ਦਾ ਕਹਿਣਾ ਹੈ ਕਿ ਕੋਵਿਡ-19 ਪੈਂਡੈਮਿਕ ਕਾਰਨ ਜਾਰੀ ਪਬੰਦੀਆਂ ਵਿਚਾਲੇ ਲਗਾਤਾਰ ਦੂਜੇ ਸਾਲ, ਸਾਲਾਨਾ ਫੇਅਰ ਨੂੰ ਰੱਦ ਕੀਤਾ ਜਾ ਰਿਹਾ ਹੈ।
ਪੀ.ਐਨ.ਈ. ਮੈਨੇਜਮੈਂਟ ਵੱਲੋਂ ਜਾਰੀ ਇੱਕ ਬਿਆਨ 'ਚ ਦੱਸਿਆ ਗਿਆ ਹੈ ਕਿ ਛੋਟੇ ਪੱਧਰ 'ਤੇ ਇਨ-ਪਰਸਨ ਕਰਵਾਏ ਜਾਣ ਵਾਲੇ ਈਵੈਂਟ ਦੇ ਵੀ ਆਸਾਰ ਨਹੀਂ ਹਨ।
ਯਾਦ ਰਹੇ ਇਸ ਐਗਜ਼ੀਬਿਸ਼ਨ ਨੂੰ 'ਸਿਟੀ ਆਫ ਵੈਨਕੂਵਰ' ਦੇ ਹੇਠ ਚਲਾਇਆ ਜਾਂਦਾ ਹੈ ਅਤੇ ਇਸ ਨੂੰ ਚਲਦਿਆਂ 100 ਸਾਲ ਤੋਂ ਵਧੇਰੇ ਹੋ ਚੁੱਕੇ ਹਨ।
ਇਹ ਈਵੈਂਟ 2 ਹਫ਼ਤੇ ਤਕ ਜਾਰੀ ਰਹਿੰਦਾ ਹੈ ਅਤੇ ਇਸ ਦੇ ਨਾਲ ਮੈਟਰੋ ਵੈਨਕੂਵਰ ਦੀ ਇਕਾਨਮੀ 'ਚ $200 ਮਿਲੀਅਨ ਦਾ ਆਦਾਨ-ਪ੍ਰਦਾਨ ਹੁੰਦਾ ਹੈ।
ਇੱਕ ਬਿਆਨ 'ਚ ਦੱਸਿਆ ਗਿਆ ਕਿ ਪੀ.ਐਨ.ਈ. ਆਸਰੇ 4,300 ਸਿੱਧੀਆਂ ਨੌਕਰੀਆਂ ਹੋਂਦ 'ਚ ਆਉਂਦੀਆਂ ਹਨ ਅਤੇ ਇਸ ਨੂੰ ਬੀ.ਸੀ. 'ਚ ਯੁਵਾ ਵਰਗ ਲਈ ਸਭ ਤੋਂ ਵੱਡਾ ਐਂਪਲਾਇਰ ਦੱਸਿਆ ਜਾਂਦਾ ਹੈ।
ਸੀ.ਯੂ.ਪੀ.ਈ. 1004 ਦੇ ਪ੍ਰਧਾਨ, ਐਂਡਰਿਊ ਲੈਜਰ ਦਾ ਕਹਿਣਾ ਹੈ ਕਿ ਯੂਨੀਅਨ ਦੇ ਹਜ਼ਾਰਾਂ ਮੈਂਬਰ ਇਸ ਐਜ਼ੀਬਿਸ਼ਨ 'ਤੇ ਨਿਰਭਰ ਕਰਦੇ ਹਨ ਅਤੇ ਇਸ ਦੇ ਆਸਰੇ ਆਪਣੀ ਪੋਸਟ-ਸੈਕੰਡਰੀ ਪੜ੍ਹਾਈ ਦੇ ਲਈ ਪੈਸਾ ਜੁਟਾਉਣ ਅਤੇ ਪਰਿਵਾਰਾਂ ਨੂੰ ਸਹਿਯੋਗ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ।
