11.33C Vancouver 11.33C VancouverMar 4, 2024 5:47 PM - The Canadian Press
ਕੈਨੇਡਾ ਸਰਕਾਰ 2024 ਦਾ ਫੈਡਰਲ ਬਜਟ 16 ਅਪ੍ਰੈਲ ਨੂੰ ਪੇਸ਼ ਕਰਨ ਜਾ ਰਹੀ ਹੈ। ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਸੋਮਵਾਰ ਨੂੰ ਇਸ ਦੀ ਘੋਸ਼ਣਾ ਕੀਤੀ। ਕੈਨੇਡੀਅਨ ਨੂੰ ਇਸ ਬਜਟ ਵਿਚ ਦੇਸ਼ ਦੀ ਮਾਲੀ ਅਤੇ ਆਰਥਿਕ ਹਾਲਾਤ ਦੀ ਪੂਰੀ ਤਸਵੀਰ ਦਾ ਪਤਾ ਲੱਗੇਗਾ। ਉਥੇ ਹੀ, ਹਾਊਸਿੰਗ ਸੰਕਟ ਅਤੇ ਮਹਿੰਗਾਈ ਵਿਚਕਾਰ ਸਰਕਾਰ ਵਲੋਂ ਕੁਝ ਅਹਿਮ ਕਦਮਾਂ ਬਾਰੇ ਖ਼ਰਚ ਸ਼ਾਮਲ ਕੀਤੇ ਜਾ ਸਕਦੇ ਹਨ।
ਫ੍ਰੀਲੈਂਡ ਨੇ ਨਵੰਬਰ 2023 ਵਿਚ ਦਿੱਤੀ ਗਈ ਆਰਥਿਕ ਅਪਡੇਟ ਵਿਚ ਕੈਨੇਡਾ ਦਾ ਸੰਘੀ ਘਾਟਾ ਯਾਨੀ ਮਾਲੀ ਘਾਟਾ 2023-24 ਵਿਚ $40 ਬਿਲੀਅਨ ਅਤੇ 2024-25 ਵਿਚ $38.4 ਬਿਲੀਅਨ ਰਹਿਣ ਦਾ ਅਨੁਮਾਨ ਪ੍ਰਗਟ ਕੀਤਾ ਸੀ। ਇਹ ਬਜਟ ਘਾਟਾ ਹੋਰ ਵਧੇਗਾ ਜਾਂ ਘਟੇਗਾ ਇਹ ਸਰਕਾਰ ਦੇ ਨਵੇਂ ਖ਼ਰਚਿਆਂ ’ਤੇ ਨਿਰਭਰ ਕਰਦਾ ਹੈ।
ਜਾਣਕਾਰਾਂ ਦਾ ਮੰਨਣਾ ਹੈ ਕਿ ਫਾਈਨਾਂਸ ਮੰਤਰੀ ਵਲੋਂ ਹਾਊਸਿੰਗ ਸਟਾਕ ਨੂੰ ਬੂਸਟ ਦੇਣ ਵਾਲੇ ਪ੍ਰੋਗਰਾਮ ਲਈ ਵਧੇਰੇ ਫੰਡ ਨਿਰਧਾਰਤ ਕੀਤਾ ਜਾ ਸਕਦਾ ਹੈ ਕਿਉਂਕਿ ਕੈਨੇਡੀਅਨ ਮੋਰਟਗੇਜ ਅਤੇ ਹਾਊਸਿੰਗ ਕਾਰਪੋਰੇਸ਼ਨ ਦੀ ਰਿਪੋਰਟ ਦਾ ਕਹਿਣਾ ਹੈ ਕਿ ਕੈਨੇਡਾ ਦੀ ਰਿਹਾਇਸ਼ ਦੀ ਸਮਰੱਥਾ ਨੂੰ ਬਹਾਲ ਕਰਨ ਲਈ 2030 ਤੱਕ 3.5 ਮਿਲੀਅਨ ਵਧੇਰੇ ਯੂਨਿਟ ਦੀ ਲੋੜ ਹੈ।
ਹਾਊਸਿੰਗ ਸੰਕਟ ਅਤੇ ਬਜਟ ਬੈਲੰਸ ਨੂੰ ਲੈ ਕੇ ਸਰਕਾਰ ਲਗਾਤਾਰ ਕੰਜ਼ਰਵੇਟਿਵ ਲੀਡਰ ਪੀਅਰੇ ਪੋਲੀਵਰੇ ਤੋਂ ਹਮਲੇ ਦਾ ਸਾਹਮਣਾ ਕਰ ਰਹੀ ਹੈ। ਪੋਲੀਵਰੇ ਨੇ ਹਾਊਸਿੰਗ ਨੂੰ ਮੁੱਖ ਮੁੱਦਾ ਬਣਾਇਆ ਹੈ।
