9.73C Vancouver 9.73C VancouverJul 4, 2022 9:22 PM - The Canadian Press
ਬੀ.ਸੀ. 'ਚ ਇੱਕ ਟ੍ਰਾਂਜ਼ਿਟ ਬੱਸ ਅਤੇ ਇੱਕ ਕਰੂਜ਼ਰ ਵੈਨ ਵਿਚਾਲੇ ਵਾਪਰੇ ਕਰੈਸ਼ 'ਚ ਇੱਕ ਵਿਦਿਆਰਥਣ ਦੇ ਗੰਭੀਰ ਜਖਮੀ ਹੋਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਵਿਦਿਆਰਥਣ ਦੇ ਕਿਊਬੈਕ ਤੋਂ ਵਾਸਤਾ ਰੱਖਣ ਸੰਬੰਧੀ ਜਾਣਕਾਰੀ ਦਿੱਤੀ ਗਈ ਹੈ।
ਘਟਨਾ ਕੈਸਲਗਾਰ ਕੋਲ ਵਾਪਰੀ ਦੱਸੀ ਗਈ ਹੈ।
ਬੀ.ਸੀ. ਹਾਈਵੇਅ ਪੈਟਰੋਲ ਅਨੁਸਾਰ ਵੀਰਵਾਰ ਸ਼ਾਮ ਕਰੀਬ 4.30 ਵਜੇ ਹਾਈਵੇਅ 3ਏ ਕੋਲ ਇੱਕ ਪਿਉਰਲੇਟਰ ਵੈਨ ਅਤੇ ਇੱਕ ਬੀ.ਸੀ. ਟ੍ਰਾਂਜ਼ਿਟ ਬੱਸ ਦੀ ਟੱਕਰ ਹੋ ਗਈ ਸੀ।
ਇਸ ਘਟਨਾ 'ਚ ਬੱਸ ਵਿੱਚ ਸਵਾਰ ਇੱਕ 18 ਸਾਲਾ ਵਿਦਿਆਰਥਣ ਨੂੰ ਗੰਭੀਰ ਸੱਟਾਂ ਲੱਗੀਆਂ ਦੱਸੀਆਂ ਗਈਆਂ ਹਨ।
ਜਾਣਕਾਰੀ ਅਨੁਸਾਰ ਘਟਨਾ ਮੌਕੇ ਬੱਸ 'ਚ ਕਿਊਬੈਕ ਦੇ 15 ਹੋਰ ਵਿਦਿਆਰਥੀ ਸਵਾਰ ਸਨ। ਇਹ ਵਿਦਿਆਰਥੀ ਸੈਲਕਰਕ ਕੌਲਿਜ 'ਚ ਇੱਕ ਪ੍ਰੋਗਰਾਮ 'ਚ ਹਿੱਸਾ ਲੈਣ ਲਈ ਪਹੁੰਚੇ ਸਨ।
ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਵਿਦਿਆਰਥਣ ਨੂੰ ਲਾਈਫ ਸੱਪੋਰਟ ਸਿਸਟਮ 'ਤੇ ਰੱਖਿਆ ਹੋਇਆ ਹੈ।
ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਦੱਸਿਆ ਕਿ ਵਿਦਿਆਰਥਣ ਉਸੇ ਖਿੜਕੀ ਦੇ ਬਰਾਬਰ ਬੈਠੀ ਸੀ, ਜਿਸ ਦੇ ਨਾਲ ਵੈਨ ਖਹਿ ਗਈ ਸੀ।
ਵਿਦਿਆਰਥਣ ਨੂੰ ਪਹਿਲਾਂ ਟਰੇਲ ਦੇ ਹਸਪਤਾਲ ਪਹੁੰਚਾਇਆ ਗਿਆ ਸੀ ਅਤੇ ਬਾਅਦ 'ਚ ਉਸ ਨੂੰ ਕੈਲੋਨਾ ਜਨਰਲ ਹਸਪਤਾਲ ਪਹੁੰਚਾਇਆ ਗਿਆ।
ਪੁਲਿਸ ਅਨੁਸਾਰ ਵਿਦਿਆਰਥਣ ਦੇ ਬਚਣ ਦੇ ਆਸਾਰ ਬੇਹੱਦ ਘਟ ਹਨ। ਘਟਨਾ ਤੋਂ ਬਾਅਦ ਜਾਂਚ ਦੇ ਚਲਦਿਆਂ ਹਾਈਵੇਅ ਨੂੰ ਕਈ ਘੰਟੇ ਤਕ ਬੰਦ ਰੱਖਿਆ ਗਿਆ ਸੀ।
