13.41C Vancouver 13.41C VancouverJul 16, 2022 12:16 AM - The Canadian Press
ਈਸਟ ਵੈਨਕੂਵਰ 'ਚ ਵੀਰਵਾਰ ਨੂੰ ਇੱਕ ਪਾਰਕਿੰਗ ਲੌਟ ਦੀ ਛੱਤ ਢਹਿਣ ਤੋਂ ਬਾਅਦ ਇੱਕ ਵਿਅਕਤੀ ਬਾਰੇ ਫਿਲਹਾਲ ਕੋਈ ਜਾਣਕਾਰੀ ਨਹੀਂ ਮਿਲ ਸਕੀ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇੱਕ ਵੈਕਿਊਮ ਟਰੱਕ ਸਾਈਟ 'ਤੇ ਆਪਰੇਸ਼ਨ 'ਚ ਜੁਟਿਆ ਹੋਇਆ ਹੈ।
ਇਸ ਜਗ੍ਹਾ 'ਤੇ ਇੱਕ ਪਾਰਕਿੰਗ ਲੌਟ ਆਫਿਸ ਦੀ ਇਮਾਰਤ 'ਤੇ ਜਾ ਡਿੱਗਿਆ ਸੀ।
ਅਸਿਸਟੈਂਟ ਡਿਪਟੀ ਫਾਇਰ ਚੀਫ਼, ਟਰੈਵਰ ਕੌਨਲੀ ਦਾ ਕਹਿਣਾ ਹੈ ਕਿ ਸਥਿਤੀ ਕਾਫੀ ਨਾਜੁਕ ਹੈ ਅਤੇ ਕਰਿਊਸ ਵੱਲੋਂ ਰੇਤੇ ਅਤੇ ਮਲਬੇ ਵਿੱਚੋਂ ਇੱਕ ਲਾਪਤਾ ਵਿਅਕਤੀ ਦੀ ਭਾਲ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਪ੍ਰਤੱਖਦਰਸ਼ੀਆਂ ਵੱਲੋਂ ਦਿੱਤੀ ਜਾਣਕਾਰੀ ਅਤੇ ਸੈਲਫੋਨ ਲੋਕੇਸ਼ਨ ਅਨੁਸਾਰ ਲਾਪਤਾ ਵਿਅਕਤੀ ਮਲਬੇ ਦੇ ਵਿੱਚ ਹੀ ਹੈ।
ਵੀਰਵਾਰ ਦੀ ਘਟਨਾ 'ਚ 2 ਲੋਕਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਦੋਵਾਂ ਪੀੜਤਾਂ ਦੀਆਂ ਸੱਟਾਂ ਕਿੰਨੀਆਂ ਕੁ ਗੰਭੀਰ ਹਨ, ਇਸ ਬਾਰੇ ਜਾਣਕਾਰੀ ਸਪਸ਼ਟ ਨਹੀਂ ਹੋ ਸਕੀ ਹੈ।
ਯਾਦ ਰਹੇ ਛੱਤ ਢਿਹਣ ਦੀ ਇਹ ਘਟਨਾ ਵੀਰਵਾਰ ਦੁਪਹਿਰ ਕਰੀਬ 1.30 ਵਜੇ ਲੋਹੀਡ ਹਾਈਵੇਅ 'ਤੇ ਰੂਪਰਟ ਸਟ੍ਰੀਟ ਅਤੇ ਬਾਊਂਡਰੀ ਰੋਡ ਵਿਚਾਲੇ ਵਾਪਰੀ ਸੀ।
